Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk mart ayınıñ 18-i içün gumanitar koridorlarğa dair planlarnı añlattı.

Onıñ sözlerine köre, bugün içün 9 yöneliş kelişildi.

Donetsk vilâyeti:

• Mariupol şeerinden Zaporijjâ şeerine.

«Benzin maşmasınen avtobuslar sutusı Vasılivka qasabasna ketmege devam etti. Saat 9-dan soñ Zaporijjâdan şeerinden kete bilgen Mariupollılarnen avtobuslarnıñ ekinci sutunı ketecek. Yürüyerek ketkenler içün Manğuş şeerinde yardım teşkil etilecek», – İrina Vereşçuk dep qayd etti.

Sumı vilâyeti:

• Sumı şeerinden – Poltava şeerine.

• Trostânets, Lebedın, Konotop şeerlerinden, Krasnopillâ ve Velıka Pısarivka qasabalarından – Poltava şeerine.,

Harkiv vilâyeti:

• Balakleya ve İzüm şeerlerine gumanitar yardımnıñ ketirilemsi planlaştırılır.

«Yarın içün Herson ve Lugansk vilâyetleriniñ şeerlerine gumanitar yardımnı ketirmek içün marşrutlarnı azırlaymız», – Vitse baş nazir dep hulâsa çıqardı.

Daa o, arbiy esirler, habersiz coyulğanlar, rf tarafından qanunsız olaraq azatlıqtan marum etilgen kişiler, em de tınç yaşağan sakinler aqqında malümatnı toplamaq ve zarar körgenlernen kommunikatsiya etmek maqsadınen tünevin Milliy malümat bürosınıñ “sıcaq hattı” çalışmağa başlağanını hatırlattı – 1648 ve (044) 287-81-65 (çet memleketlerden telefon etmek içün).