“1+1” kalanınıñ canlı yayınında Vitse baş nazir İrina Vereşçuk, tınç yaşağan sakinlerniñ, işğalcilerniñ esirligine nasıl oğrağanlarını añlattı. Rus ordusı bütün cenk qanunlarını bozmaqtadır. İnsanlarğa yardım etmek deyerlik imkânsızdır.

«Mart ayınıñ 18-nde İzümge ve Harkiv vilayetiniñ başqa şeerlerine ne gumanitar yükni ketirdik, ne de insanlarnı tahliye ettik», – İrina Vereşçuk dep haberdar etti.

Onıñ sözlerine köre, Mariupol – Zaporijjâ koridorınen eñ çoq mesele bar.

«İşğalciler, sakinlerine ya şahsiy maşnalarınen ya da yürüyerek ketmege izin bereler. Bunıñ içün insanlar öz başına keteler. Manğuş ve Berdânskta biz olarnı qarşılaymız ve işğalcilerniñ Vasılivkadaki blok noqtasına, bundan soñ da Zaporijjâğa ketiremiz».

İrina Vereşçuknıñ malümatına köre, mart ayınıñ 18-i boyunca işğlaciler yañıdan qadınlar be balalarnen avtobuslarımıznı tuta ediler.

Aynı zamanda, Ukrainanın gragdan ealisini qurtarma işi devam etmektedir: gumanitar koridornıñ üç künlük operatsiyasında bloklanğan Mariupoldan tünevinki malümatqa köre umumen deyerlik 40 biñ sakin tahliye etildi.

Memurnıñ sözlerine köre, bombardıman vaqtında Drama teatriniñ sığanağında bulunğan insanlar aqqında obyektiv malümatnı toplamaq pek zor, çünki anda alâqa yoq.

«Tahminen 300den ziyade insan qurtarıldı, – dep haberdar etti. – Ölgenlerniñ sayısını soraştırıp bilemedik».

Vitse baş nazir qoştı ki, Lugansk vilâyetinden gumanitar koridorlar eki kere teşkil etile edi. Er bir kere bir qaç biñ insannı tahliye ete bildik. Mart ayınıñ 19-ında Lugansk vilâyetine gumanitar yükniñ ketirilmesi planlaştırılır.

«Severodonesk, Lısıçansk, Rubijne, Popasna azıq mahsulatı, suv, ilâçlar ve ilk kerekli şeylerni aldı, – İrina Vereşçuk dep añlattı. – Yazıq ki, askerler bu kün tahliyeni keçirmek yasaq edi. Belki ateşler yañıdan olur, bunıñ içün insanlarımıznıñ ayatını qurtarmaq içün mecburiy bir arelettir».

Daa mart ayınıñ 19-ı içün planlarında Mariupol – Zaporijjâ gumanitar koridorını devam etmektir. Avtobuslar endi yolundadır. Baracaq yerine şahsiy maşnalarğa benzin berecek benzin maşnası da kete.

“Bütün Ukraina mezkür pek müim adiselerge diqqatını fokuslandırmalı“, – Vitse baş nazir dep hulâsa çıqardı.