«1+1» telekanalınıñ canlı yayınında Ukraina Vitse baş naziri İrina Vereşçuk, rus ordusınıñ qırşavlağanı Mariupolda qaçaqlarnen vaziyetni tefsir etti.

«Şimdi eñ qıyın vaziyet Mariupolnıñ salı yalısında, – dep haberdar etti. – Bu şeerniñ parçası başqasından kesildi ve ordumıznıñ nezareti astında olmay. Sakinleri, tek tanınmağan ketmege istemegenleri DHC ve LHCniñ yönelişlerine tahliye ete bilirler».

İnsanlarğa Nikolske (toplama yeri – 2. mektep) ve Yuriyivske qasabalarına öz ğayretlerinen ketmege tavsiye etti. Bu, ruhset alğanımız meskün yerlerdir.

«Amma bu gumanitar koridornı teşkil ete bilecegimizden emin olmaymız, – İrina Vereşçuk dep ayttı. – Bu açıq-aydın terrorizmdir. Rusiye, insanlarnı böyle degen DHCniñ tarafına ketmege mecbur ete. Anda filtratsiya lagerleri bar, insanlar etibarlı ve etibarsızlarğa bölünir. Natsist Almaniyası yapqanı kibi er şey yapalar: insanlarnı soyundırtalar, tinteler, şeylerini baqalar, aşalaylar».

Vitse baş nazirniñ fikrince, Ukraina dünyanı böyle faktlar aqqında muntaza tarzda haberdar etmeli.

«putin – 1. terrocı, rusiye ise – terrorizmge para bergen bir devlettir. Bunıñ halqara sınıflaştırılması bar ve ortaqlarımız bu tür cinayetlerniñ cezalarını pek yahşı bileler», – İrina Vereşçuk dep hulâsa çıqardı.