“İnter” telekanalındaki umumiuy devlet malümat marafonınıñ canlı yayınınıñ vaqtında Ukraina Vitse baş naziri İrina Vereşçuk, gumanitar koridorlar teşkil etmeniñ zoq olğanı eñ meseleli yönelişlerni añlattı.

Eñ qıyınlardan Harkiv ve Mariupol yönelişleridir.

 «Bizim içün o yerlerden insanlarnı tahliye etmek çoq qoz. Daa işğalciler, Herson vilâyetiniñ qısmen işğal etilgen toprağına gumanitar yükniñ ketirilmesine izin bermezler. Eki kün evel 14 yük maşnasından ibaret olğan ilâçlar ve azıq mahsulatınen gumanitar sutun şekillendirildi. Ve endi birinci blok noqtasında işğlaciler ketmesine izin bermediler, bunıñ içün bu marşrutnı qapatmağa mecbur qaldıq», – dep memur haberdar etti.

Daa o, işğalcilernen Çernihiv vilâyetinde gumanitar koridorlarğa dair muntazam aytışmalarnı keçirgenini haberdar etti.

«Qarar berildi ve askerler onı qabulm eteler – büyük gumanitar koridor pek telükeli olacaq. Minalaştırılğan yollar ve toqtamağan ateşler sebebinden, insanlarımızğa zarar bermemek içün, onı öz başına açalmaycaqmız», – o dep añlattı.

Kıyıv vilâyetindeki sokağa çıkma yasağı sebebinden anda iç bir tedbir keçirilmez.

  «Maña İvankove, Dımerden ve başqa şeerlerden insanlar, olarğa yardım etmek ricasınen muracaat eteler. Olarğa yardım etmege pek isteymiz, amma olarnıñ telükesizligi ve ayatını qorçalamaq içün daa bir kün bekelmek kerek», – dep İrina Vereşçuk qayd etti.