«НВ» radiosına intervyü bergende Vitse baş nazir – Ukrainanıñ vaqtınca işğal etilgen topraqlarınıñ reintegratsiya mesleleri naziri İrina Vereşçuk Mariupolda şimdiki vaziyetni añlattı.

Memurnıñ sözlerine köre. şeerde endi uzun zamandır gumanitar felâkettir. Şeer toqtamağan duşman ateşleri astında, sakinleri ondan suvsız, aşsız, qızdıruvsız ve ışıqsız sığanaqlarda saqlaylar.

Tahliye vaqtında Mariupolnıñ tahminen 45 biñ sakini qurtarıldı. Amma anda daa eñ az 100 biñ tınç sakini qaldı. İşğalciler tek şeerni maqsatlı viran eteler degil, olar gumanitar koridorlar vastasınen insanlarnı çıqarmağa ya da olarğa kerekli er şeyni ketirmege izin bermeyler de.

“İşğalniñ başlanğıcından 45 biñ mariupollı tahliye etildi, amma anda 100 biñden ziyade kişi daa qala. Añlaşılır ki, insanlarnıñ şimdi Mariupoldan çıqarılma hızlığından (tünevin 3 biñden ziyade kişi) memnün olmaymız. 100 biñ kişini tahliye etmek kerekligiñizni tüşüniñiz, amma olarda ne aş, ne suv ne de ilâç bar. İşğalci ne azıq mahsulatını, ne de ilâçlarnı ketirmemizge izin bermey“, – dep İrina Vereşçuk añlata.

Amma nazirniñ qayd etkeni kibi, keskin nazar noqtası ve dünya cemaatınıñ Mariupolda putinniñ yapqanı genotsidke qarşılığı tesbit etildi.

“Bunı Şarl Mişel, Cozef Bayden ve başqaları endi köreler. Eminim ki, bu tek putinge degil, bugün gumanitar koridorlarnıñ açılmasına izin bermegeblerge de büyük cevapkârlıq yüklenecek halqara bir cenk cinayeti olaraq hasiyetlenecektir“, – dep Reintegratsiya nazirliginiñ reberi inandırdı.