Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, mart ayınıñ 22-sinde işlegen gumanitar koridorlarnıñ neticelerini añlattı.
Onıñ sözlerine köre, bugün tüm faaliyetler Mariupolnıñ sakinleriniñ tahliyesi içün gumanitar koridorlarğa celp etildi.
Umumen mart ayınıñ 22-sinde 7 biñden ziyade mariupollı qurtarıldı
Berdânsktan 1,1 biñden ziyade kişi tahliye etildi. Daa bugün Mariupoldan Zaporijjâğa gumanitar koridor vastasınen deyerli 6 biñ sakini öz naqliyatınen ketti.
Bundan ğayrı, Berdânskqa azıq ve ilâçlarnen gumanitar yardım ketirildi.
Aynı zamanda İrina Vereşçuk qayd etti ki, işğalciler tarafından añlaşmalarnıñn bozulmaları da bar edi.
«Yazıq ki, bugün işğal orduları añlaşmalarnı bozıp, mariupollılarnıñ tahliyesi içün avtobuslarğa Nikolske qasabasından ve Melekıno köyünden yol bermediler. Manğuş şeeriniñ kirişindeki rus blok noqtasında fevqulâde vaziyetler devlet hızmetiniñ 11 avtobusı ve 2 maşnası tutulıp belli olmağan yönelişine ketirildi. Daa işğalciler, FVDHniñ 4 zabitini ve 11 aydayıcını tutıp esir ettiler. QHHEnden ve BMTdan insanlarımıznı deral azat etmesini tapal etemiz», – dep nazir qayd etti.
Daa o qoştı ki, bugün Berdânkqa yarın saat 9-da şeer sport kompleski yanındaki toplama yerinde insanalrnı toplamağa başlaycaq 24 avtobus keldi.
«Avtobuslarnen beraber şeerge gumanitar yardımnen 2 yük maşnasını ve unnen 2 yük maşnasını ketirdik. Yarın saba Zaporijjâdan ilâve avtobuslarnı ve Berdânsktaki mariupollılarnıñ maşnalarına benzin qoymaq içün benzin maşnasını yollamağa planlaştıramız», – dep Vereşçuk qoştı.
Mariupollılarğa kerekli tüm yardımnıñ berilgeni Berdânskta ştablarnıñ çalışmaları devam etmekte.
- Berdânsktaki mariupollılarğa yardım içün muntazam telefon nomeraları:
- 3-62-76 ve 3-52-52
- 097 551 59 17
- 050 439 75 29
Zaporijjâdaki mariupollılarğa yardım içün muntazam telefon nomeraları:
- (095) 220- 41- 11
- (067) 220- 41- 12
- 0800- 503- 508
Hulâsa çıqarğanda İrina Vereşçuk yarın içün planlarını añlattı: Kıyıv, Zaporijjâ, Harkiv ve Lugansk vilâyetlerinde gumanitar koridorlar aqqında añlaşmalar da planlaştırılır.