burger

«Öz başına tahliye etmeñiz, tek resmiy malümatqa işanıñız!», – İrina Vereşçuk

Опубліковано 22 March 2022 року, о 15:28

“İnter” telekanalındaki umumiuy devlet malümat marafonınıñ canlı yayınınıñ vaqtında Ukraina Vitse baş naziri İrina Vereşçuk böyle çağırmanen vatandaşlarımızğa muracaat etti. Facialı bir misal olaraq, Harkiv vilâyetinde işğalciler, balalarnıñ bulunğanı bir maşnanı ateşke tuttı.

«Yazıq ki, olar öldiler, – dep İrina Vereşçuk tesbit etti. – Pek rica etem: öz başına tahliye etmege tırışmañız! Ateşke oğramaq ciddiy bir telükesi bar. Siziñ içün çoq zoq olğanını añlaymız: suv, aş, ilâç ve urba eksikligi bar. Amma ayat qurtaqmaq adına resmiy haberlerni takip etiñiz».

O, gumanitar koridorlarnıñ teşkil etilmesi içün ukrain akimiyetiniñ er kün ve er bir daqiqa elinden kelgeni er şey yapmağa tırışqanını hatırlattı.

«İşğalcilerniñ yaratqanı ya Rusiyege ya da Belarusqa gumanitar koridorlar aqqında haberlerge asla işanmañız. Anda insnlarnı filtrleyler. Begenmegenlerini habersiz yönelişke ketireler. Bunıñ içün tek resmiy malümat vastalarını oquñız ve dinleñiz», – dep Vitse baş nazir tenbiledi.