Ukrainanıñ vaqtınca işğal etilgen topraqlarınıñ reintegrastiya meseleleri nazirligi, 15 ukrain bölgesine 23 gumanitar yükni üleştirdi.

Tek 4 kün içinde – mart ayınıñ 16-sından 20-sine qadar böyle yardım Mıkolayiv, Çernivtsi, Vinnıtsâ, Kıyıv, Odesa, Ternopil, Çerkası, Harkiv, Kirovoğrad, Jıtomır, Polatav, Sumı, Hmelnutskıy vilâyetlerine, Kıyıv şeerine ve Ukrainadaki Qırımızı Haç cemaatınıñ İlbav vilâyet teşkilâtına yollandı.

Gumanitar yük erkek, bala ve qadın urbasından, gigyena eşyalarından ve ev qullanma malından ibaret ola.

Nazirlik ve Help Ukraine Center teşebbüsi arasında işdeşlik devam etecektir. Merkez, Lehistanda gumanitar ve tibbiy yardımnı toplap, onı Ukrainağa telükesiz yollay ve onı üleştirmemiz içün Nazirligimizge ve başqa müessiselerge bere. İşdeşligimiz yardımınen eñ çoq ihtiyac duyğan bölgeler ilâçlar, aş, urba, gigiyena eşyaları, bala aşı ve başqa kerekli şeylerni endi aldı ve almağa devam ete.

Qoşma malümat. Help Ukraine Center, gumanitar yardım içün Şarqiy Avropadaki ukrain iş adamlarınıñ teşebbüsinen yaratılğan eñ büyük logistika habıdır. Bu leyhağa TIS, Nova Poşta, Rozetka, Ocean.me ve başqa şirketler qatılır.

Help Ukraine Center, bütün dünyadan gumanitar yardımnı çekip, onı işley ve Ukrainağa yollay. Şimdi hablar Leyhistanda (Lüblin şeerinde) ve Romaniyada (Huşi şeerinde) çalışmaqtadır.

Teşebbüske nasıl qatıla bilecegiñizni, yardımnı ne yerge yollacağıñıznı ve Merkezni maliyeviy tarzda nasıl desteklegeniñizni saytta oquñız.