“Ukraina 24” telekanalınıñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, gumanitar koridorlarnıñ bugünki işiniñ neticelerini añlattı.

Bu cümleden, o qayd etti ki, Mariupol yönelişi çoq zor kele, anda insanlarnı beklegen deyerli 40 avtobus toplandı, amma işğalciler olarğa Berdânsktaki blok noqtasını keçmege izin bermeyler.

“Şu anda daa bir kere Qırmızı Haçnıñ Halqara eyyetine, rus tarafına niayet bu insanlarğa Zaporijjâğa ketme fırsatını bermeleri içün muracaat etemiz“, – dep İrina Vereşçuk çağıra.

Nazirniñ sözlerine köre, başqa koridorlar, hususan Kıyıv vilâyetindeki, daa yahşı işley.

“Artıq kerçekten çıqmağa istegenlerniñ bu fırsatını almaları içün marşrutlarda neniñ deñiştirilmek kerekligini körecekmiz,” – gumanitar koridorlarnıñ marşrutlarınıñ azırlanmasına mümkün olğan deñişmeler ve olarnı naqlşyatnen temin etüv aqqında dep Reintegratsiya nazirliginiñ reberi ayta.

Bunıñ yerine, o qayd etti ki, şimdi alâ daa gumanitar koridorlarnıñ işançlı bir şekilde işletilmesi, insanlarnı vaqtınca işğal etilgen topraqlarnda çıqarmanıñ ve duşmannen añlaşaraq ayatlarını qurtarmanıñ tek yoludır.