burger

İrina Vereşçuk: «Mart ayınıñ 24-ünde tüm yedi gumanitar koridor işledi»

Опубліковано 24 March 2022 року, о 20:39

«Bugün faal arbiy areketlerniñ olğanı meskün yerlerden insanlarnı tahliye etmege becerdik», – dep Ukraina Vitse baş naziri İrina Vereşçuk haberdar etti ve qoştı ki bugün umumen 3,3 biñden ziyade kişi tahliye etildi.

DONETSK VİLÂYETİ

Bugün Mariupoldan Zaporijjâğa öz naqliyatınen 2,7 biñden ziyade Mariıpollı keldi. Yazıq ki işğalciler, gumanitar sutunnıñ şeerge kirmesine üç kündir izin bermey. Faqat tırışmağa vazgeçmeymiz.

«Berdânsktan tüm 50 tahliye avtobusı, gumanitar yardımnen yük maşnaları ve benzin maşnası şeerniñ kirişindeki rus blok noqtasında veklemege devam ete»,- dep İrina Vereşçuk tesbit etti.

Yahşı haber şu ki, eki kün evel Manğuşta tutulğan FVDhniñ qurtarıcıları ve aydayıcılar bugğn azat etildi. Berdânsknıñ kirişindeki sutunğa endi qatıldılar.

ZAPORİJJÂ VİLÂYETİ

Poloğı şeerinden 117 kişi , olarnıñ arasında yerli internattan 35 öksüz bala çıqarıldı. Endi yarın olar vaqtınca reabilitatsiyağa İtaliyağa yollanacaqtır. Daa şeerge gumanitar yardım ketirildi.

Melitopoldan tahliye keçirilmedi. Aqşam maalinde gumanitar sutun şeerge yetip yarın ketmege devam etecektir.

KIYIV VİLÂYETİ

Velıka Dımerka, Boğdanivka qasabalarından ve Bervıtsâ köyünden Brovarığa 509 kişi tahliye etildi.

«Yarın Mariupolnıñ ve Melitopolnıñ sakinleriniñ tahliyesi üzerinde çalışmağa planlaştıramız. Daa yañı gumanitar koridorlarnıñ açılması aqqında aytışmalar keçirecekmiz», – dep İrina Vereşçuk hulâsa çıqardı.