Frenk Liberation neşrine intervyüsinde Ukraina Vitse baş naziri İrina Vereşçuk, tecavuzcınıñ yıqıcı ateşi altında qalğan ukrain şeerleri ve köylerindeki grajdanlarnıñ tahliyesini bozmağa tırışqan işğalciniñ ayın-oyunlarını añlattı.Mariupolnıñ etrafındaki vaziyet ayrıca ötkür.

«Şimdi bütün dünya cemaatı Ukrainadaki tecavuz cenkinş ve halqara gumanitar uquqnıñ cinaiy bozmalarını nezaret ete. Eñ yaramay vaziyet Mariupol ve Zaporijjâ arasındadır. Anda rusiye muntazam tarzda gumanitar koridorlarğa, ayrıca de konvoylarğa ateş aça», – dep Ukraina Vitse baş naziri tafsilâtnı añlattı.

Aynı zamanda, Frenkistan prezidenti Emmanuel Makronnıñ rusiye prezidentini Mariupoldan gumanitar koridor qurması içün ğayretlerini qıymetlendirdi.

«Emmanuel Makron, Volodımır Putinden bu koridornı açmasını ayrıca rica etti. Faqat Putin büyük bir tsinizm kösterdi. Makronnıñ ricasını qabul etti, faqat… rus toprağına gumanitar koridornı teklif etti, – dep İrina Vereşçuk tefsir etti. – Açıqça halqara cemaatnı küle»