Tam masştablı rus işğaliniñ başlamasınen beraber, Ukrainada yaşağan er kesniñ temel insan aqları günlük olarak bozulır ve taptalır. Hususan eñ az yarım milion Ukrainalınıñ acilen gumanitar koridorlarnıñ açılmasına ihtiyacı bar. “Bloomberg” malümat agentliginiñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı.

O tesbit etti ki, çoqusı allarda işğalci ukrain tarafına ilâç, aş ve başqa kerekli eşyalarnı ketirmesine izin bermey, – em insanlarnı tahliye etmesine de.

“Ukraina Prezidenti tarafından rus tarafınen aytışmalar yapmaq içün vekillendirildim. Sözüni alsa tutmaz. Aqşam mallinde koridorlarnı açmağa söz berirler – saba ise toplama yerini ateşke tuta bilirler. İnsanlarğa sığınaqlardan çıqmağa izin bermeye ya da ketken gumanitar sutunnı tuta bilirler. putin, qadın ve balalarnen cenkleşir ve olarnı reine alır. Halqara gumanitar uquqnı körmemezsizlikke uraraq, olarnı rusiyege sürgün eter ve dünya liderleriniñ gumanitar koridorlarnı açma talaplarını körmegen kibi eter. Onıñ maqsadı, grajdan ealini yoq etmek ve tirenüv iradesini qırmaq”, – dep nazir hulâsa çıqara.

Onıñ sözlerine köre, şimdi çoq şey Ukrainadaki vaziyetni ve devletimizde terenleşken gumanitar felâketni seyir etken dünya liderleriniñ nazar noqtasına bağlı.

Vitse baş nazir, Ukrainanıñ putin tarafından mağlüp etilemeyecegini, çünki bunıñ tüm medeniy dünyanıñ yañılması olacağını qayd ete.

“Dünyadaki demokratiyanı saqlamağa, halqara uquqnı ve şartnamelerni – insan aqlarını qorçalağan er şeyni, Ekinci cian cenkinden soñ pek zoq şekillengen ve qorçalanğan er şeyni saqlamağa yardım etiñiz”, – dep Reintegratsiya nazirliginiñ reberi amerika kütlesine muracaat etti.