Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Halqara Qırmızı Haç eyyetiniñ (HQHE) Ukrainanıñ, rfna mecburen köçtirilgen ukrain vatandaşlarınıñ taqdirine dair muracaatını baqacağına ümüdini bildirdi.

Muracaatta devletimiz rusiyeniñ grajdanlarnı mecburen sürgün etmesini şiddetnen takbih ete. Daa Qırmızı Haçnıñ rfna mecburen sürgün etilgen ukrainalılarnen çaılmaq içün rostov-na-donuda bir ofis açma niyetinden duyğanı endişeni de bildire.

Muracaatta, ukrain vatandaşlarınıñ ailelerinden ayırılğanı ve rfnıñ uzaq bölgelerine mecburen yerleştirilgeni belgilendi. Ukraina ükümeti, rus ordularınıñ 2 biñden ziyade ukrain balası hırsızlağanını ve qayda olğanlarınıñ bilinmegenini bile. İşğalci tarafından grajdanlarnıñ hırsızlanması, reine alınması ve deşetli tutulması çoq vaqiası belli. Bu cümleden, rfnda ukrain pasportları alınır ve rus topraqlarından ketmelerine yol berilmez.

rfnıñ böyle areketleri, tahliye/köçme sebeplerine baqmadan qorçalama astında olğan kişilerniñ işğal etilgen topraqlardan ve işğal bir devletniñ toprağına ya da başqa bir devletke mecburiy şahsiy ya da kütleviy ketirilmesini yasaq etken Dörtünci Cenevre şartnamesiniñ açıq bozulmasıdır. Halqara silâlı çatışmalarda böyle areketler, arbiy cinayet olaraq sayılır.

Böyleceü ukrain ükümeti, HQHEniñ rfnda mecburen yerinden ketirilgen ukrain vatandaşlarınen çaılşmaq içün rostov-na-donuda bir ofis açma niyeti aqqında malümattan endişe duya. Çünki rusiyede eyyetniñ institutsiya barlığınıñ quvetleştirilmesi, bu tür küçlü areketlerni qanuniyleştirmek içün rf tarafından yañlış yorana bilir. Ve bu adım, tecavuzcı bir devletni, zaten facialı vaziyetni daa da yaramaylaştıracaq olğan bu yañıdan yerleşmesi quvetleştirmege isteklendire bilir.

Ukrain tarafı, HQHEni hususan ukrain vatandaşlarınıñ mecburen ketirilmesi meselesini çezmege ve tez keri qaytarılmasına yardımcı olmağa israrnen çağıra. Vatandaşlarımız, hususan rusiye tarafından tutulğan arbiy esirler aqqında malümat rfndan sormaq  ve olarnı deşetli, insanlıq tışı ya da menlikni bozğan areketlerdn qorçalamaq kerek.

«Ukraina, HQHEniñ prezidenti Peter Maurerge rfdan, işğalciler tarafından Mariupoldan mecburen sürgün etilgen vatandaşalrımıznıñ cedvelini bizge bermesi ve olarğa Ukrainağa qaytmaq imkân bermesi talabınen resmen muracaat etti», – dep İrina Vereşçuk qayd etti.

Hitapnıñ neticeleri belli olur-olmaz cemaatnı olarnı haberdar etecegine inandırdı.

Daa Ukraina, HQHEden, tınç yaşağan ealiniñ bloklanğan şeerlerinden telükesiz topraqlarğa ketirimesi içün ukrain ükümetinen kelişilgen gumanitar koridorlarnıñ telükesiz işlenmesi içün ğayretlerini faalleştirmege rica ete.