Ukraina Vitse baş naziri İrina Vereşçuk, Bazar künü tahliye ve gumanitar koridorlarnıñ neticelerini añlattı.

«Olar, Donetsk ve Lugansk vilâyetleri içün teşkil etildi», – dep memur haberdar etti ve qoştı ki, umumen 1 biñden ziyade insan tahliye etildi.

DONETSK VİLÂYETİ

Mariupol şeerinden Zaporijjâ şeerine öz naqliyatınen 586 kişi kete bildi.

Daa bugün 15 avtobus Berdânsknıñ kirişindeki blok noqtasına keldi ve yarın saba tahliye içün toplama yerlerine yollanmalı: Melitopolske şose soqağı, 27 – şeer sport kompleksi yanında.

«Hatırlatam ki, Berdânskta Melitopolske şose sq., 87b adresinde mariupollılar içün bedava benzin stantsiyası işley», – dep İrina Vereşçuk qoştı.

Daa Berdânskta mariupollılarğa yardım etmek içün gumanitar ştablar çalışa:

Gumanitar ştablarnıñ alâqa malümatı:

• 3-62-76, 3-52-52
• 0975515917
• 0504397529.

LUGANSK VİLÂYETİ

Rubijne – Bahmut gumanitar koridorı vastasınen Rubijne, Lısıçansk, Severodonetsk ve Popasna şeerlerinden 523 kişi tahliye etildi.

Ekmek zavodınıñ viranlar astındaki ve 5. mektepniñ sığınaqlarından insanlarımıznı qurtarmağa becerdik.

 “Qadınlar, balalar, qartlar ve saqatlar – Lugansk vilâyetiniñ politsiya devriyecileriniñ qaramanlığı yardımınen qurtarıldı. İşğalcilerniñ tınç rejimini bozğanına baqmadan olar tüm 155 vatandaşnı qurtardı.

“Bu qurtarma operatsiyasını teşkil etmege çalışqan Lugansk vilâyet arbiy memuriyetiniñ başoına teşekkür bildirem! Yarın Mariupol yönelişinde çalışmağa devam etmege ve Sumı vilâyetine gumanitar koridorlarnı açmağa planlaştıramız, – dep İrina Vereşçuk yekün çekti. – Em de qoşma yönelişlerniñ açılması içün añlaşmaları üzreinde çalışmağa”.