2022 s. mart ayınıñ 27-sinde saba brifingi vaqtında Vitse baş nazir – Ukrainanıñ vaqtınca işğal etilgen topraqlarınıñ reintegartsiya meseleleri naziri İrina Vereşçuk bugün içün 2 planlanğan ve kelişilgen gumanitar koridornı añlattı.

Donetsk vilâyeti

• Mariupoldan Zaporijjâ şeerine – öz naqliyatınen.
• Daa Berdânsktan avtobuslar vastasınen mariupollılarnıñ merkezleştirilgen tahliyesi kelişildi.

Toplama yeri deñişmedi – Melitopolske şose sq., 27 – şeer sport kompleksi yanında. 15 avtobus tesbit etilgen marşrutnen Zaporijjâ şeerine endi yollandı. Toplama yerine ketme vaqtı işğalcilerniñ blok noqtasından keçme tezligine bağlıdır.

Hatırlatamız ki, Berdânskta Melitopolske şose sq. 87b adresinde mariupollılar öz maşnalarına bedava benzin qoya bilecekler. Daa yardım bermek içün Berdânskta gumanitar ştablar çalışmaqta. Olarğa aşağıdaki nomeralarğa telefon ete bilesiñiz: 3-62-76, 3-52-52, ve 097-551-59-17, 050-439-75-29.

Daa kerkli malümat ögrenmek içün mariupollılar Zaporijjâdaki telefon merkezine muracaat ete bileler: 095-220-41-11, 067-220-41-12 та 0800-503-508.

• Zaporijjâ vilâyetiniñ Berdânsk şeerinden Zaporijjâğa. Mart ayınıñ 27-sinde saat 10da Zaporijjâdan tahliye avtobusları ve gumanitar yardım yollanacaqtır. Berdânkstaki tahliye yerinden insanlarnı alıp avtobuslar Zaporijjâğa marşrutnen ketecek, olarğa da mariupollılar şahsiy naqliyatınen qatıla bilirler.

Lugansk vilâyeti

• Rubijne şeerinden Bahmut şeerine. Tahliye Kıyıvska, Şkilna, Sonâçna, Slovyanska, Hlibozavodska, Şevçenka, Sosürı soqaqlarında ve şeerniñ demiryol vokzalında olacaq.

“Daa ekmek zavodınıñ viranları astındaki ve 5. mektepniñ sığınaqlarından insanlarımıznı çıqarmağa tırışacaqmız. Başqa marşrutlar üzerinde de çalışamız, tüm muracaatlarıñıznı duyamız ve işğalcilerniñ ateş açmamaları ve gumanitar konvoylarımıznıñ keçmesine izin vermeleri içün elimizden kelgeni er şey yapamız“, – dep İrina Vereşçuk soñunda inandırdı.