Mart ayınıñ 21-inden 27-sine Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ koordinatsiyasınen ve Help Ukraine Centernen işdeşliginen aşağıdaki 10 bölgelerindeki Ukrainanıñ garjdan ealine 20 gumanitar yük üleştirildi: Çernivtsi, Vinnıtsâ, Kıyıv, Çerkası, Harkiv, Kirovohrad, Poltava, Sumı, Hlemnıtskıy ve Donetsk vilâyetleri.

Gumanitar yük erkek, bala ve qadın urbasından, gigiyena vastalarından, ev qullanma eşyaları ve azıq mahsulatından ibaret ola.

Nazirlik ve Help Ukraine Center teşübbüsiniñ işdeşligi devam etecektir.

Merkez, Lehistanda gumanitar ve tibbiy yardım toplap, onı Ukrainağa ketire ve kelecek üleştirilmesi içün Nazirlikniñ koordinatsiyasınen bölgelerge bere. İşdeşligimiz yardımınen eñ çoq ihtiyacı olğan bölgeler aş, urba, ev eşyaları, gigiyena vastaları, bala aşı ve başqa kerekli şeylerni aldı ve almağa devam etecektir.

Umumen mart ayınıñ 16-sından 27-sine Reintegratsiya nazirliginiñ kooridnatsiyasınen ve Help Ukraine Centernen işdeşliginen 17 bölgedeki ve Kıyıv şeerindeki grajdan ealige 37 gumanitar yük ketirildi. İş bu yönelişte devam etmektedir.

Qoşma malümat. Help Ukraine Center – ukrain iş adamlarınıñ teşebbüsinen teşkil etilgen Şarqiy Avropadaki eñ büyük gumanitar yardım logistika habı. Leyhağa böyle şirketler iştirak ete: TIS, Nova Poshta, Rozetka, Ocean.me ve başqaları.

Help Ukraine Center, bütün dünyadan gumanitar yardımnı çekip, onı işley ve Ukrainağa yollay. Şimdi hablar Leyhistanda (Lüblin şeerinde) ve Romaniyada (Huşi şeerinde) çalışmaqtadır.

Teşebbüske nasıl qatıla bilecegiñizni, yardımnı ne yerge yollacağıñıznı ve Merkezni maliyeviy tarzda nasıl desteklegeniñizni saytta oquñız.