rusiye, Halqara ceza makemesi ve başqa muayyen müessiselerniñ protseduralarına mücibi Ukrainadaki cinayetlerinden mesüliyet taşımalıdır. Çünki bu cinayetler, putin rejiminiñ halqara gumanitar uquqnı bozğanını kösterir, olar insanlıqqa qarşı yapıldı, dep Vitse baş nazir – Ukrainanıñ vaqtınca işğal etilgen topraqlarınıñ reintegrastiya meseleleri naziri İrina Vereşçuk qayd ete.

“Bu ceryan biraz vaqıt alacaq. Ve bundan evel Cozef Bayden, Borıs Conson v.i. kibi dünya liderleriniñ ve halqara teşkilâtlarnıñ siyasiy qararlarını almaq kerekmiz. Olar tesbit etmek kerekler: rusiye terrorizge para berir, putin ise arbiy cinayetçidir. Bundan soñ rus topraqlarından öz şirketlerini çıqarmağa ya da “tamçıçıqlar arasında qaymağa” şübelengenler içün er şey açıq-aydın körünip turacaq. Neticeleri olmadan mında çalışmaycaqtır“, – dep İrina Vereşçuk hulâsa çıqardı.

Onıñ fikrince, Ukrainağa dair rus tecavuzı meselesinde em büyük halqara siyaset, em de büyük global masştablı biznes seviyelerinde açıq-aydın muayyenlik kerek.