ÇAESnda Belğorodnıñ tekrarına izin bermek mümkün olmay! rusiyeniñ Belğorod şeeri astında arbiy anbarında emsal, ruslarnıñ öz ihtisassız patlayıcı silânen areketlerindeki telükesizlikniñ fevqulâde seviyesini kösterdi, dep Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk qayd etti.

Anda arbiy yedeklerniñ detonatsiya olğanını ve büyük patlamanıñ neitcesinde insanlarnıñ zarar körgenini hatırlatayıq.

Vitse baş nazir hatırlattı ki, ÇAES etrafındaki mysadere zonasında şu anda rus işğalcileri arbiy yedeklerniñ balaban anbarı yarattılar. Olar er bir daqqada detonatsiya  ola bilir. Ve bu ise yüz millionlarca avropa sakinlerini öldürme riskine saip olğan azim ekologiya felâketidir.

«Belğoroddaki vaziyet – 2. cian cenki sırasında tipik rus telükesizlik ihmaliniñ ve telükeli ve qullanılmağan arbiy yedeklerniñ kütleviy qullanılmasınıñ bir misalidir , – dep İrina Vereşçuk diqqat ayırdı. – Tek tünevin UYMniñ Baş şatbı, rusiyeniñ ÇAES yanında qurğanı balaban anbarnıñ arbiy yedekleriniñ patlama telükesi aqqında tenbiledi».

Rus işğalcileri, özek telükesizligi kontekstinde askerlerini Çornobıl zonasından mümkün olğan eñ qısqa sürede keri çıqarmalıdır, dep Vitse baş nazir qayd etti.

«BMTnıñ Telükesizlik şurasından ÇAESnıñ musadere zonasınıñ silâsızlaştırmasına dair tedbirlerni keçrmesi ve BMTnıñ mahsus missiyasınıñ o yerge kirsetmesi talap etemiz! Rus işğalcileriniñ ölüm telükesiz arbiy yedeklerinen diqqatsız tutması neticesinde stantsiyada qazanıñ tekrarlanması reskini tek böylece yoq etmek mümkün!» — dep İrina Vereşçuk çağırdı.