Vitse baş nazir İrina Vereşçuk şimdiki gumanitar koridorlarnıñ iş planını anons etti.

Mariupollılarnıñ tahliyesi ve gumanitar yardımnıñ Berdânskqa ketirilmesi, Melitopolğa gumanitar yardımnıñ ketirilmesi ve insanlarnıñ andan tahliyesi, ve Enerğodar şeerinden Zaporijjâğa öz naqliyatınen insanlar sutunınıñ ketmesi içün.

«Şekillendirilgen avtobuslar ve gumanitar yardımnen yük maşnaları sutunı Zaporijjâ şeerinden endi çıqtı, – dep Vitse baş nazir daa tafsilâtlı ayttı. – İşğal ordularınıñ alğanı mecburiyetlerini yerine ketirmesini ve blok noqtalarından gumanitar sutunlarğa yol bermesini talap etemiz. Zaporijjâğa dönüş yolunda, insanlar öz naqliyatınen Berdânsk ve Melitopoldan kelgen gumanitar sutunlarğa qatıla bilecekler».

Daa İrina Vereşçuk haberdar etti ki, tünevin aytışmalarda rus delegatsiyasına Harkiv, Kıyıv, Herson, Çernihiv, Sumı, Zaporijjâ, Donetsk, Lugansk ve Mıkolayiv vilâyetleriniñ eñ çoq zarar körgen 97 meskün yerine gumanitar koridorlarnıñ teşkil etilmesine dair tekliflerimiz berildi.

«Bugün rusiye federatsiyasandan bu gumanitar koridorlarnıñ kelişilmesi mevzusında cevaplarnı almaq içün çalışmağa devam etecekmiz», – dep o qoştı.