Ukrain buhran media merkezinde brifing vaqtında Vitse baş nazir – Ukrainanıñ vaqtınca işğal etilgen topraqlarınıñ reintegartsiya meseleleri naziri İrina Vereşçuk, işğalcilerniñ ukrain topraqlarında yapqanları cinayetlerini añlattı.

O haberdar etti ki, Mariupoldan tahminen 75 biñ sakin qurtarıldı. Tahminen 100 biñ kişi qaldı ve acele tahliyege ihtiyac duya. Daa tahminen 45 biñ kişi, işğalciler tarafından bölge degen DHCne ve rusiyege mecburen sürgün etildi.

 «Mecburiy sürgünlik, daa bir facia ve rus tecavuzınıñ neticesidir», – dep İrina Vereşçuk ayttı.

O, Mariupoldan böyle degen DHCne mecburen ketirilgen Kira Obedınskanı misal olaraq hatırladı.

 «Men, rusiye federatsiyasındaki insanlar aqqı vekili olğan Tetâna Moskalkovağa qıznı qaytarmaq talabınen muracaat etti, – dep İrina Vereşçuk haberdar etti. – rus tecavuzı vaqtında babasını qaybetti, anası ise evelce vefat etti. Onı çoq beklegen qartbabası qaldı. Evine qaytmaq tam aqqı bar. Öz dünya cihazını yaptırmağa tırışqanlar onıñ taqdirini yazmamalılar. Yapqanları cinayetleri içün ceza alacaqlardır».

Memurnıñ sözlerine köre, rus arbiy askerleri vaqtınca işğal etilgen topraqlarında çoq kriminal cinayet yapalar. Olarnıñ arasında öldürmeler, qılınmalar, soğuncılıq, namusına keçmeler ve ilahre. Olarnı Ukraina Baş prokurorlığı qayd ete.

«Amma seks cinayetleri eñ çoq şaşıra. Onıñ müddeti yoq. İşğalciler balalarmız, çağına yetmegen qızlarımız, qadınlarımıznı qılınalar. Bunı Mariupoldan çıqa bilgen qadınlar aytalar. Bunı tüm dünya bilmeli», – dep Vitse baş nazir ayttı.