burger

MHTnıñ programmasına mücibi Zakarpattâ qaçaqlarğa yardım etken ilk bölge oldı

Опубліковано 31 March 2022 року, о 13:12

Zakarpattâ, ukrain akimiyetiniñ Ukrainadaki Migratsiya halqara teşkilâtınıñ (MHT) vekilliginen beraber azırlağanı para yardımını berme programmasını Ukrainada yerine ketirmege başlağan ilk bölge oldı. Vitse baş nazir İrina Vereşçuk bunı ilân etti. Ve qoştı ki, kelecekte programma diger bölgelerge de tarqatılacaqtır.

Programmanıñ vazifesi: rus tecavuzı sebebinden devlet içinde alınğan kişilerniñ eñ zayıf gruppalarına er ay 2220 grn ödemek.

Reintegarstiya nazirliginiñ reberiniñ haberdar etkenine köre, programmağa mücibi Zakarpattâda para yardımı deyerli 40 biñ kişige berilecek. Bu müim teşebbüs, BMTnıñ fevqulade vaziyetlerge qarşılıq merkeziy fondu, AB, AFCniñ Ükümeti, USAID gumanitar yardım bürosı ve Kanada Ükümetiniñ parası vastasınen yerine ketirilir. MHTnıñ programması, yerli akimiyet ve gumanitar teşkilâtlarnen koordinatsiyasınen Ukrainanıñ bir qaç bölgelerinde yerine ketirilecektir.

Para, vilâyet memuriyet ve içtimait siyaset bölüginen işdeşligi içinde poçta hızmeti ve Ukrainanıñ başqa maliyeviy hızmetleri castasınen yollanacaqtır. Hususan hamile qadınlarğa ve öz başına balanı östürgen analarğa, eki ve daa çoq balası olğan ailelerge, saqatnen ailelerge ve yaşlılarğa berilecektir.

Yardım almaq içün kişi muayyen bölgedeki içtimaiy qorçalama organları ya da İHBM vastasınen DAK olaraq qayd etmeli. Kişi mezkür zayıf katogoriyağa ait olsa, muayyen yardım alacaqtır.