Paris ve Berlin üzerinde raketler alâ daa fantastika, faqat dünya kremlnin reberini toqtatmasa, böyle bir stsenariy bütünley mümkündir. Bunıñ içün Ukrainanı desteklemek ve oña telükesizlik kefaletını bermek kerek, dep Ukraina Vitse baş naziri İrina Vereşçuk qayd ete.

Şimdi ukrainalılar tek öz devletine aqqını qorçalamaylar. Olar, dünyani telükege oğratqan duşmannı toqtatalar. Frenk France tv televizionı içün «Ccesoir» programmasına intervyü bergende İrina Vereşçuk qayd etti ki, bu mücadeleniñ muvafaqiyetli bitmesi ve rusiyeniñ Ukrainanı yoq etmemesi ve yolunı devam etmemesi içün eñ küçlü devletlerden kerçek telükesizlik kefaletına ihtiyac bar.

«Devlet aqqımıznı qorçalaymız. Daa cenknıñ tüm seyyareni sarmamasını isteymiz. Aynı zamanda putin dünyada bir haos istey, oña itaat etmegenlerni boysundırmağa ınıtıla. Frenkistan, Büyük Britaniya, AQŞnıñ destegine can-yürekten ümüt etemiz, – dep ukrain memurı ümüdini bildirdi. – Rusiyeniñ uyğun tüşüngeni vaqıt bizge mesüliyetsiz ücüm etemeycegini bilmelimiz. Ordumıznıñ ve bağlı telükesizlik añlaşmasını imzalaycaq ülkelerniñ kefaletlarınıñ küçüniñ, tecavuzcını dünya (em de rusiye) tarafından 1991 s. tanılğan Ukrainanıñ sıñırlarında toqtatacağından emin olmalımız. Açıq mehanizmler mevcut olmalı ve tecavuzcı, kefaletlarnı bozsa, neticelerini añlamalıdır».