“Ukraina” media merkezindeki brifing vaqtında Vitse baş nazir – Ukrainanıñ vaqtınca işğal etilgen topraqlarınıñ reintegarstiya meseleleri naziri İrina Vereşçuk hatırlattı: rusiye tek bizim devletimizni tehdit ete.

«Rus halqınıñ bu cenknıñ neticeleriniñ, saqat balalarımzınıñ, Mariupolda suvsız ve aşsız ölgen yaşlılarnıñ, viran ve qurbanlarnıñ kerçek masştabını bilmegenini tüşünmekten çoq uzaqtam, – dep o ayttı. – Bu, olarnıñ putinnen Ukraina ve halqına qarşı ortaq cevapkârlığıdır. Rusiye, bu tür areketlerinen tek bizim devletimizni tehdit etmey. Laf, rusiye istisnasız er kesni tiyecek dünya azıq, ekologiya ve energetika buhranları aqqındadır».

Ukaina ve diger medeniy ülkeler bu vaziyette ne yapmalı? İrina Vereşçuknıñ fikrince, dünya eñ acele tarzda putin qurqusını yeñmeli, Ukrainadaki vaqialarğa kerçekten baqmalı ve bir qaç doğru qarar bermeli: bizge silâ bermeli, sanktsiyalarnı quvetlendirmeli, rus ordusına para berüvni ve onıñ inkişafını imkânsız yapmalı, em de cinaiy emirlerni qabul etken memurlarnı mesüliyetke çekmeli.

«Bu adımlar tek Ukrainanı degil, tüm dünyanı da qurtaracaqtır», – dep İrina Vereşçuk hulâsa çıqardı.