Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, aprel ayınıñ 2-sinde işlegen gumanitar koridorlarnıñ neticelerini añlattı.

Bu cümleden, Mariupol ve Berdânsktan Zaporijjâğa öz naqliyatınen deyerli 1,3 biñ kişi keldi. 765-i Mariupoldan, 498-i ise Berdânsk, Melitopol, Poloğı, Orihiv ve Vasılivka şeerlerinden.

Berdânsktan 300den ziyade mariupollınen 10 avtobustan ibaret olğan tahliye konvoyı Vasılivkanı endi keçti.

Şahsiy avto naqliyatınen insanalr sutunları da ketmege devam ete.

Aynı zamanda şu anda Lugansk vilâyetindeki Severodonetsk, Rubijne, Lısıçansk, Kreminna, Popasna ve NIjnye qasabasından deyerli 2,7 biñ vatandaş tahliye etildi.

Bundan ğayrı, Zaporijjâdan Berdânskqa yarın saba mariupollılarnı Berdânsktan tahliye etecek daa 17 avtobus bugün keldi. Olarnıñ parçası Mariupolğa mümkün olğan tarzda yaqın ketmege tırışacaq, dep İrina Vereşçuk añlattı.