Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, aprel ayınıñ 4-ünde işleycek gumanitar koridorlarnı añlattı.

Bugün Mariupol ve Zaporijjâdan şahsiy naqliyat içün gumanitar koridor işleycektir.

Nazir qayd etti ki, Zaporijjâdan Mariupolğa insanlarnıñ tahliyesi içün 25 avtobus endi çıqtı.

Aynı zamanda Halqara Qırmızı Haç eyyetiniñ delegatsiyası Manğuş şeerinden 7 avtobusnen beraber Mariupolğa ketmege devam etemege planalaştıra.

Severodonetsk, Popasna, Lısıçanks, Rubijne şeerleri ve Nıjnye qasabası kibi Lugansk vilâyetiniñ meskün yerlerinden insanlarnıñ tahliyesi de devam etecektir.

Faqat İrina Vereşçuknıñ sözlerine köre, Lugansk vilâyetinde işğalciler tunç rejimini muntazam tarzda bozarlar ve bölgedeki gumanitar koridorlarnı ateşke tutarlar. Ayat telükesine baqmadan Lugansk AGMniñ başınıñ reberliginen garjdan ealini tahliye etmege yardım etken politsiya, askerler ve tahliye sutunlarınıñ aydayıcılarınıñ cesürligini qayd etti.