burger

İrina Vereşçuk: «aprel ayınıñ 5-i içün 7 gumanitar koridor işleycek»

Опубліковано 4 April 2022 року, о 10:41

Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri, aprel ayınıñ 5-i içün planlanğan gumanitar koridorlarnı añlattı.

Umumen 7 gumanitar koridor işleycek, bu cümleden:

1. Mariupoldan Zaporijjâğa öz naqliyatınen.

«Reberliginiñ vadelerine baqmadan işğal orduları, bloklanğan şeerge kimseniñ kirmesine izin bermey. Eñ soñ misal, Halqara Qırmızı Haç eyyetiniñ delegatsiyasınıñ Manğuş şeerinde bloklanmasıdır. Aytışmalardan soñ gece azat etildiler ve Zaporijjâ tarafında yollandılar», – dep İrina Vereşçuk qayd etti.

Daa nazir qoştı ki, Manğuş şeerinden Berdânskqa Halqara Qırmızı Haç eyyetiniñ ozğarmasınen insanlarnı Zaporijjâğa tahliye etecek 7 avtobus ketmekte.

Bundan ğayrı, şimdi Vasılivkadaki blok noqtasında insanlarnı Berdânsktan tahliye etmek içün 15 avtobus bekley. Bu avtobuslar sutunı keçken soñ Zaporijjâdan Berdânskqa ketken qoşma avtobusalrnıñ yollanması planlanmaqtadır.

2. Tokmaktan Zaporijjâğa tahliye planlanır. Zaporijjâdan gumanitar yardımnen tahliye avtobuslarınıñ yollnaması planlanır.

4. Severodonetskten Bahmutqa. Toplama yeri: Himikiv caddesi, 28.

5. Lısıçansktan Bahmutqa. Toplama yeri: 40 rokiv Peremoğı, Sosüra sq., 324.

6. Popasnadan Bahmutqa. Toplama yeri: Pervomayska sq., 42.

7. Ğirske qasabasından Bahmutqa. Toplama yeri: Ğağarin sq., 13.