Ruslar, ukrain şeerlerinde işkence körgen grajdan ealiniñ faciasını tsinik bir şekilde red etmege tırışalar. Amma dünya kerçekni köre. Tünevin leh Polsat News haber telekanalınıñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı ayttı.

Prezident Volodımır Zelenskıynıñ, em inkişaf etilgen yabancı ekspertlernden, em de Ukraina Baş prokurorınıñ ofisiniñ, Adliye naazirliginiñ, UTHnıñ mütehassıslarından ibaret olacaq mahsus halqara eyyetniñ teşkil etilmesini endi ilân etkenini hatırlattı.

-Bu, tüm sekiz senedir rusiyeniñ Ukrainada yapqanı arbiy cinayetlerniñ isbatlarını toplağan insanlardır. Şimdi bu qorqunç tecribeni işğalcilerden qurtarılğan Buça, Ğostomel ve İrpinden de alalar, – dep İrina Vereşçuk, kreml arbiy maşnasınıñ Ukrainada yapqanı insanlıqqa qarşı cinayetlerni vesiqalaştırma sistemasınıñ başlatmasını tefsir etti.

Leh jurnalistleriniñ subetdeşi, Kıyıvdan çıqqanda bala oyuncaqlarına minaalrnı qoyğan işğalcilerniñ tsinizmi aqqında daa bir kere hatırlattı.

– putinniñ ve yüz biñlerce ordusınıñ, memurlarnıñ ve popagandacılarnıñ bu tür cinayetlerini inkâr etmege devaö etecek siyasetçiler ve liderlerni körmege isteyim. Tamam olarnıñ millionca rusnen de şimdi bu insansız rejimniñ cinayetlerini desteklegenleri içün iştirakçiler olacaqlar, – dep Reintegratsiya nazirliginiñ reberi inandırdı.