Bu sene mart ayınıñ 27-sinden aprel ayınıñ 3-üne Ukrainanıñ vaqtınca işğal etilgen topraqlarınıñ reintegrastiya meseleleri nazirliginiñ kooridnatsiyasınen ve Help Ukraine Center işdeşliginen Kıyıv, Çerkası, Harkiv, Donetsk, Jıtomır, Mıkolayiv vilâyetleri ve Kıyıv şeeri kibi Ukrainanıñ 7 bölgesindeki Ukrainanıñ grajdan ealisine 11 gumanitar yük ketirildi.

Gumanitar yük erkek, bala ve qadın urbasından, gigyena eşyalarından, ev qullanma malı ve azıq mahsulatından ibaret ola.

Merkez, Lehistanda gumanitar ve tibbiy yardımnı toplap, onı Ukrainağa telükesiz yollay ve onı üleştirmemiz içün Nazirligimizge ve başqa müessiselerge bere. İşdeşligimiz yardımınen eñ çoq ihtiyac duyğan bölgeler ilâçlar, aş, urba, gigiyena eşyaları, bala aşı ve başqa kerekli şeylerni endi aldı ve almağa devam ete.

Qayd etmek kerek ki, mart ayınıñ 16-sından aprel ayınıñ 3-üne qadar Reintegratsiya nazirliginiñ kooridnatsiyasınen ve Help Ukraine Center işdeşliginen 17 vilâyetine ve Kıyıv şeerindeki grajdan ealige 46 gumanitar yük yollandı.

Qoşma malümat. Help Ukraine Center, gumanitar yardım içün Şarqiy Avropadaki ukrain iş adamlarınıñ teşebbüsinen yaratılğan eñ büyük logistika habıdır. Bu leyhağa TIS, Nova Poşta, Rozetka, Ocean.me ve başqa şirketler qatılır.

Help Ukraine Center, bütün dünyadan gumanitar yardımnı çekip, onı işley ve Ukrainağa yollay. Şimdi hablar Leyhistanda (Lüblin şeerinde) ve Romaniyada (Huşi şeerinde) çalışmaqtadır.

Hatırlatamız, mart ayınıñ 24-ünde Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ teşebbüsinen Lehistan, Kıyıv vilâyetiniñ meskün yerleriniñ arbiy areketler neticesinde zarar körgen sakinleri içün azıq, tibbiy mahsulatından ve başqa kerekli şeylerden ibaret olğan gumanitar yardımnen 10 yük maşnası yolladı.