Ukraina Vitse baş naziri İrina Vereşçuk Lugansk, Donetsk ve Harkiv vilâyetleriniñ sakinlerine muracaat etti. «Freeдом: UA» kanalında umumiy ukrain telemarafonınıñ canlı yayınında AGMniñ başlarınıñ bildirmelerini diqqatnen diñlemege ve tahliye ilân etilse bunı yapmağa çağırdı.

İrina Vereşçuk añlattı ki, rus memurlarının bermege tırışqanı kibi işğal ordularınıñ Kıyıv ve Çernihiv vilâyetletinden keri çıqarılması, bir soñki aytışmalar raundından evel bir yahşı niyet işartei olmay. Bu, ordumıznıñ, ükümetimizniñ ve tüm ukrain halqınıñ demir iradesiniñ bir işareti edi.

Onıñ sözlerine köre, yazıq ki, kelcek keskinleşmesine epimiz azır olmalımız.

“Eger AGMniñ başı, misal olaraq Lugansk ve Donetsk AGMlerniñ başları çıqamaları talap etseler ve tahliyeni keçirmek içün er şey yapsalar, qarar acele bermek kerek ve bunı er kün yapamız. Bunı yapmaq kerek, çünki kelecekte insanlar ateş astında olacaqlar ve ölümnen tehdit etilecekler. Olar, buña qarşı iç bir şey yapamaycaqlar ve biz yardım etemeycekmiz. Çünki ateşni toqtamağa deyerli imkânsız olacaqtır. Öz tecribeme köre, hususan Lugansk ve Donetsk vilâyetlerine. Elette, Harkiv vilâyetiniñ parçasına da. Tahliye etmek kerek. Böyle bir imkân olğanda. Şimdi alâ daa bar”, – dep memur qayd etti.