Nürnberg kibi yañı Halqara makeme teşkil etme teşebbüsini dünyada büyük bir destek köre. Eski Büyük Britaniya baş naziri Con Meycor ve Ğordon Barun belli alimler ve uquqçılar gruppasınen beraber bu fikirnen paylaştılar.

«Qorqutulğan analar ve balalar bombalar ve qurşunlardan qaçqanda, putin tamam közlerimiz ögünde eñ büyük halqara cinayetni – tecavuznı yapa. Onı mesüliyetke çekmeniñ küçlü bir yolu bar: Nürnberg tarzında yañı bir makeme… Böyle bir mesüliyet olmadan barışıq alsa olmaz», – dep ceryannıñ teşkilcileri eminlerdir.

Makemeni destek petitsiyası 2 million imza toplamalıdır. Bu, işniñ ameliy parçasını başlatmağa izin berecektir. Petitsiyanın işl eki künde dünyanıñ farqlı ülkelerinden 796 biñden ziyade kişi tarafından imzalanğanını qayd etmek müimdir. Aprel ayınıñ 8-ine qadar 1,7 milliondan ziyade imza toplandı.

Er kes etitsiyağa qatıla ve onı imzalaya bilir. Em de bu hitapnı azamiy tarzda tarqata bilir.

Qayd etmek içün mezkür saifesini açıp, elektron poçtasını yazımaq ve İMZALAMAQ dögmesini basmaq kerek.

İmzalañız ve tartaqıñız! Zeyyareniñ kelecigi ellerimizdedir. Yaramazlıq ebediyen yoq etilmelidir!