Yañıdan donatılğan yurthaneler ve musafirhaneler, modul evçikleri, konteynerler ve yañı binalar… Cenk sebebinden evlerini ğayıp olğan insanlarğa uzun vaqıt içün yaşaya bilecekleri yañı mesken variantları teklif etilecek. Yerli akimiyet, halqara teşkilâtlar ve lâqayt olmağan ukrainalılar qatılalar.

İlbav VAMniñ başı Maksım Kozıtskıy qayd etti ki, vilâyetniñ büceti, kelecek aylarda deyerli 1,6 biñ köçip kelgenniñ yaşamaları içün tertibat etilecek 13 yerli yurthaneniñ, internatlarnıñ, sanatoriylerniñ ve musafirhanelernin kerekli temir etilemsine 47 mln grivna bere.

Maksım Kozıtskıy inandıra ki, şu anda vilâyette uzun vaqıtlı yaşamağa uyğun yapmaq içün azğariy parağa ihtiyac duyğan bu tür obyektlerniñ sayısı 156. Olarnı kerekli alğa ketirmek içün 1,9 milliarddan ziyade grivna tapmaq kerek.

Daa bölgeniñ vatandaşları, köçip kelgenler içün mesken inşaatınıñ başlaya bilecegi 582 gekratlı 92 qara boşluğından ibaret olğan tek bazanı endi şekillendirdiler. Uyğun kommunikatsiyanen ve içtimaiy astyapınen boşluqlar priotitettedir. Bazı inşaat şirketleri, köçip kelgenlerge meskenni onıñ maliyetinen satmağa azır.

Aynı zamanda İlbav vilâyetinde köçip kelgenler, hususan studentler, içün 70 evçikten ibaret olacaq ilk konteyner şeeri qurulmaqta.

Bundan ğayrı, mart ayından BMTnıñ UNHCR qaçaqlar agentligi ve Veteranlar nazirliginiñ yardımınen vilâyet “İlbav vilâyetiniñ Şuraları” yerli şuralar assotsiatsiyası, cenk sebebinden evni taşlağan ukrainalılarnı cemaatlarda yerleştirmek içün çalışa. Laf, qısa sürekli yaşama, ısınma ve raatlama ihtıyacı olğanlar içün çadır şeerleiniñ donatılması aqqındadır.

Ayrıca 1 biñge qadar DAk yerleşe bilecek q,daa uzun vaqıtlı yaşama içün büyük masştablı modul binalarınıñ inşaat etilmesi planlanır. İlbav vilâyetiniñ territorial cemaatlarında uzun vaqıt içün qalmağa isteycek kişiler mında yaşaycaqlar. Halqara ortaqlarnıñ İlbav vilâyetine inşaat işlerinen ve kerekli donatmlarnen yardım etmege azır olması müimdir.