burger

Köçip kelgenlerge yardım daa küçlü olacaq: Reintegratsiya nazirligi ve BMTnıñ QYKİ işbirligini küçlendirmek içün bir memporandumnı imzaladı

Опубліковано 16 April 2022 року, о 11:07

Aprel ayınıñ 15-inde Ukrainanıñ vaqtınca işğal etilgen topraqlarınıñ reintegratsiya meseleleri nazirligini taqdim etken Ukraina vitse baş naziri İrına Vereşçuk ve BMTnıñ Qaçaqlar Yuqarı kommisarınıñ idaresini (BMTnıñ QYKİ) taqdim etken Ukrainadaki BMTnıñ QYKİniñ vekilliginiñ başı Karolina Lindholm-Billing, gumanitar meselelerni çezme ve devlet içinde alınğan kişilerge qorçalama ve yardım mevzusında işdeşligi memorandumını imzaladılar.

İmzalanğan memorandum çerçivesinde esas saa, devlet içinde alınğan kişilerni meskennen temin etme olacaq: modul şeerçikleriniñ inşaatı, mesken olmağan binalarnıñ yañıdan donatılması ve viran etilgen binalarnıñ tamir etilmesi vastasınen. Daa içtimaiy ve iqtisadiy aqlarnı temin etmek içün DAKge gumanitar ve maliyeviy yardım berme vastasınen.

«Bu tür küçlengen işdeşliginiñ, hususan köçip kelgenlerimizni meskenen temin etme meseleleri mevzusında semereli neticeleri ketirecegine ümüt etem, – dep İrına Vereşçuk ümüdini bildirdi. – Şu anda bu, Ukraina içün esas bir vazifedir. Çoq sayıda DAKniñ bulunğanı Poltava ve diger vilâyetlerde mesken inşaatı içün bir teklifimiz bar. Bunıñ içün evinden ayırmağa mecbur qalğan er bir ukrainalınıñ oñaytlı şartlarda yaşaması içün areket etecekmiz ve kerçek adımlarnı azırlaycaqmız».

Bundan ğayrı, körüşüv vaqtında İrına Vereşçuk, DAKni meskennen temin etme mevzusında koordinatsiya etilgen ve semereli işdeşligi içün BMTnıñ QYKİniñ vekillerini vilâyet memuriyetleriniñ başlarınen şahsen bağlattı.

Qayd eteyik ki, Nazirlik ve BMTnıñ QYKİ endi 2016 senesinden işdeşligi yapaşar, o zaman ilk memorandum imzalandı. Bu vaqıt içinde ortaq ğayretlerinen yüz biñlerce insan (em DAK, em de Donetsk ve Lugansk vilâyetlerindeki sıñır sızığında yaşamağa qalğan kişiler) desteklendi. Devlet içinde alınğan kişiler, yüz biñlerce (bu cümleden, uquqiy ve ruhiy saalarda) mesleat ala ediler.

Daa KÇYQndeki esas hızmet zonaları obyektleri donatıldı, ateşler neticesinde viran etilgen mesken (5 biñden ziyade) tamir etile ve çoq başqa şey yapıla edi.

Böylece, şu anda imzalanğan memorandum, rfnıñ tolu masştablı tecavuzı neticesinde zarar körgen köçip kelgenlerge ve başqa ukrain vatandaşlarına yardım etmek içün evelki işdeşligini küçlendirmege ve uzun vaqıtlı çezimlerni tapmağa ve esas meselelerni çezmege yönelgendir.