Viran etilgen ve çaypanğan binalar, yıqılğan astyapı, işkence körgen ve öldürilgen tınç yaşağan vatandaşlar, qorqunç yaşayış canavarlığınıñ adımları – rus ordasınıñ Kıyıv ve Sumı vilâyetleriniñ topraqlarına kelmesinen hatırlatqan episi.
Şu anda sakinleri yavaş yavaş işğal ceenneminden özüne keleler. İnsanlar tek bir sesnen böyle deyler: “bütün bu vaqıt yaşamay edik kibimiz, beyniñ közlerimiz ögünde olğan er şeymi qabul etmege red ete edi”. Amma raqamlar, inat bir şeydir.
Aprel ayınıñ 18-inden itibarınen
KIYIV VİLÂYETİ
Vilâyetiniñ territorial cemaatlarından alınğan malümatqa köre, 1,9 biñ obyekt ciddiy bozmalar ve viraneliklerge oğradı. Olardan 546-sı tamamınen yoq etildi, 1,3 biñi ise bozuldı. Olarnıñ arasında 28 çoq qatlı bina, 411 şahsiy ev, em de 8 oquma müessisesi, 4 sağlıq müessisesi, 8 medeniyet müessisesi, 2 sport müessisesi.
Şu anda Borodânska ve Makariv şeer şeklinde qasabaları, Svâtopetrivske, Mıla, Zağaltsi, Andriyivka köyleri, mesken fondnen bağlı qayğırlı isaiyatnıñ reytinginiñ başında oldı. Başqa obyektlerge köre, kitaphanesiniñ ve akt zalınıñ da hasar körgeni Obuhovıtçi ve mektepniñ yıqılıp çaypanğanı Katüjanka yer alır.
İrpin özenindeki dambanıñ yıqılması sebebinden Demıdovede evler suvğa bastı. Esaplamalrnıñ devam etkeni ve raqamlarnıñ kesinlikten uzaq olğanı qoşulmalıdır.
SUMI VİLÂYETİ
Evelki esaplamalarğa köre, cenk vaqtında vilâyetiniñ toprağında tahminen biñ obyekt yoq etildi yada bozuldı. Olarnıñ arasında:
- mesken fond – 638;
- memuriyet binası – 23;
- oquma müessisesi – 24;
- tibbiy müessise – 18;
- yaşayış teminatı obyekti – 23;
- medeniyet ve sport müessisesi – 5;
- sanayı müessisesi –21.
Bundan ğayrı, vilâyetiniñ toprağında yerli maqsatlı 364,6 km maşna yolları ve 2 köpür viran etildi ya da bozuldı. Devlet mqsatlı avtomobil yollarında ise 5 köpür.
İşğalciler Ohtırka, Trostânets, Lebedınske, Boromlânske, Vekıli Pısarivkı ve Sumı territorial cemaatlarına eñ çoq zarar ketirdiler. Evelki esaplamalarğa köre, saiplik çeşidine baqmadan kritik astyapını, naqliyat ağını ve başqa obyektlerni yañıdan qurmaq içün 20 mlrddan ziyade grivna kerekecek.
Dercde Kıyıv ve Sumı arbiy memuriyetleriniñ reberleriniñ resmiy Telegram kanallarından alınğan malümat qullanıldı.
