«Yollarına çıqqan er şeyni yoq eteler. Tanklarnen bizge kelgenleri uçurımğa süyrekleylerх», – Harkiv vilâyetiniñ Tsupivka köyünden Mariya hanım, rus işğalcileriniñ areketlerini böylece tasvirledi. Evinden tecavuzcınen sıñırğa tahminen on kilometrdir. Lugansk vilâyetindeki aqrabaları rus silâsından daa az acı çekmediler. İnsanlar, imkân sıñırındadır.

Aprel ayınıñ 19-ı itibarınen

Harkiv vilâyeti

Cenkniñ başlanğıcından berli vilâyetiniñ toprağında 1,7 biñ bozıulğan ya da yoq etilgen çoq qatlı bina sayıldı. Bundan ğayrı, 57 tibbiy, 251 oquma, 13 medeniy müessise, 17 içtimaiy qorçalama müessisesi ve aynı sayıda sannayı müessisesi bozıulğan ya da yoq etilgendir.

Şu anda Harkivde ve vilâyetinde 100 biñden ziyade ev elektrik energiyasız, tahminen 80 biñ abune gazsız qaldı. Bozulğan ve viran etilgen şahsiy evlerni qesapqa almayaraq, vilâyetiniñ merkezindeki yüzden ziyade çoq qatlı bina, suv teminatınen bağlı meselelerge oğradı.

İnsanlar dayanmaylar. Rus tecavuzınıñ başlanğıcından 1,3 mlndan ziyade tınç yaşağan sakin evinden ayırdı. Aynı zamanda añlamaq kerek ki, vaqtınca işğal etilgen topraqlardan tamam tüm malümat alamaymız.

Rus silâsından şeerniñ medeniy ve tarihiy mirası da zarar kördi. Umumen tahminen 100 medeniyet ve mimarlıq abidesi. Olarnıñ arasında –

“Drobıtskıy yar” memorial kompleksi, Ukrain-Leh memorialı, İzüm qalesiniñ qalımtıları (1681 s.), Ukrainanıñ eñ eski kütüphanelerinden biri olğan Korolenko adına kitaphane vb.

Arbiy areketlerniñ vilâyetiniñ toprağında devam etkeni içün şu anda nezaretimiz astında olmağan topraqlardaki vaziyetke dair tolu ve açıq isaiyatnı ögrenemeymiz.

Lugansk vilâyeti

Bugün Lugansk vilâyetinde işğalciler, 300 kVtlı elektrik teminatı yüksek voltlı yolağını bozdılar. Neticesinde, eki yüzden ziyade meskün yer elektriksiz qaldı. Yarıq, deyerli tüm vilâyetinde yoq.

37 meskün yer: 29 tamamınen ve 8 qısmen gazsız qaldı. Umumen 108 biñden ziyade abunedir. Gaz üleştirici stantsiyalarnıñ toqtalmasınıñ esas sebebi, yolaqlarnıñ bozulması ve faa arbiy arekerler sebebinden olarnıñ tamir olamamasıdır.

Rubijne, Popasna, Popasna rayon suv kanalınıñ meskün yerleri, qısmen Lısıçansk ve Severodonetsk eñ çoq suv teminatı meselelerine oğradı.

İşğalci içün aziz bir şey yoq. Keçenlerde rus ordusı, Severodonetsk Aziz-Hrısto-Milât katedral kilsesini bir qaç ateşke tuta edi Umumen 10 diniy bina bozuldı. Bugün ise Kreminnadaki “Olimp” olimpiya azırlama bazası ve Lısıçansktaki patrul polisi vilâyet idaresi binası yoq etildi.

Umumen Lugansk vilâyetinde astyapınıñ tek qalınmtıları işley. Kerçek viranelikler ve zararnı saylamaq alâ daa imkânsız. Elektriksiz, suvsız ve gazsız meskün yerlerniñ sayısı er kün artır.

Dercde Harkiv VDMniñ Kütleviy kommunikatsiya ve halq ögündeki mlaümatqa irişimniñ temin etimesi departamentiniñ ve Lugansk arbiy memuriyetiniñ reberiniñ resmiy Telegram kanalınıñ malümatı qullanıldı.