Ukraina Vitse baş naziri İrına Vereşçuk, bugün, yazıq ki, Mariupoldan tahliyenen bağlı sevinçli haberler olmağanını haberdar etti.

«Er şey pek yavaş kelir. Ruslarnıñ tarafından er şey pek zor, qarışıq, yavaş ve, elbette, namussız olaraq keçer»,- dep Vereşçuk hulâsa çıqardı.

Amma, onıñ sözlerine köre, tünevin insanlarnıñ Mariupoldan Zaporijjâğa ilk kere doğrudan ketmeleri (laf, tünevin Mariupoldan çıqqan dört avtobus aqqında) ümüt berir.

«Bugün tahliyeni bekleyemegen mariupollılardan afu etem. Toplama yeri yanında ateşler açıldı, bunıñ içün de koridor qapatılmalı edi.  Sayğılı mariupollılar, biliñiz: atta eñ kiçik imkânımız omasına qadar, sizni andan çıqarmağa vazgeçmeycekmiz! Dayanıñız!» – şeerniñ sakinlerine muracaat etip İrına Vereşçuk çağırdı.