Herson civarında patlamalar muntazam tarzda eşitilir. Qoşmu vilâyetlernen sıñırlarnğan meskün yerlerdeki vaziyet eñ tenqidiydir. Berıslav rayonınıñ (Novi Vorontsi, Vısokopillâ, Velıka Oleksandrivka, Kalınivka territorial cemaatları) deyerli tüm köyleri ve Herson rayonınıñ (Çornobayivka, Stanislavske TC) köyleriniñ qısmı gumanitar felâketniñ sıñırındadır.

Aprel ayınıñ 22-sinden itibarınen

HERSON VİLÂYETİ

Şu anda vilâyetiniñ 70ten ziyade meskün yeri elektrik ve suv teminatısız (+2 qısmen). Umumen 37 biñden ziyade kişi. Herson rayonında –

Pravıdneü Tavriyske, Zağorânivka, Oleksandrivka, Boğdanivka, Petrivka, Krutıy Yar, Blağodatne, Posad-Pokrovske, Barvinok, Zelenıy Ğay, Kopani, Soldatske köyleri. Berıslav rayonında – Vısokopillâ, Kalınivka köy TCnıñ meskün yerleri ve Dudçanı, Murılübivka, Hreşçenivka, Trudolübivka, Şevçenkivka, Lübımivka, Osokorivka, Zolota Balka köylerinde.

Gaz teminatı bozulğanından 19,7 biñ kişi zarar köre. Olarnıñ çoqusı Stanislavske VTCnıñ qasabalarında ve Berıslava rayonınıñ 16 meskün yerinde.

Şu anda vaqtınca işğal etilgen Hersondan 100den ziyade oca ve 3 biñden ziyade talebe çıqtı. Rus tarafınen añlaşmanıñ olmağanından sebep tahliye içün gumanitar koridorlar yoq. Bunıñ içün insanlar telükenen öz başına çıqalar. Belki, işğalcilerniñ maqsadı – bizim gumanitar koridorlarımıznıñ çalışmalarını tamamınen bitirtmektir.

Dercde, Herson vilâyet devlet memuriyetiniñ resmiy Facebook saifesinden alınğan malümat qullanıldı. Şu anda nezaretimiz astında olmağan topraqlardaki vaziyetke dair tolu ve doğru isaiyat bermek imkânsız.