Rus tecavuzınıñ tamam başlanğıcından Zaporijjâ vilâyeti, işğalcilerniñ muntazam ücümleri astında bulunır. Olar iç bir vaqıt toqtamaz, tek olarnıñ şiddetligi deñişir. Şu anda şarqıy topraqlarında – Donetsk vilâyetinen sıñır boyunca arbiy areketler faalleştirilir. Duşman Orihivnı, Komışevahanı ve etrafındaki cemaatlarnı, hususan Stepni Ğorını muntazam tarzda ateşke tutar

Akimiyet, çatışma sıñırınıñ artındaki insanlarnen er vaqıt alâqasını saqlar. Yerli öz idare organları, sıñırlanğan tarzda Ukrainanıñ uquqiy saasında öz vazifelerini yerine ketirir.

Aprel ayınıñ 25-inden itibarınen

ZAPORİJJÂ VİLÂYETİ

Ağlar, tayalamar ve donatmalar bozulğanı içün 122 meskün yerde 43,3,2 biñ abune elektrik temanatısız qaldı:

• Vasılivka elektrik ağları – 5,1 biñ abune;
• Ğulây Pole – 11,8 biñ;
• Orihiv – 20,5 biñ;
• Bilmak – 5,8 biñ.

Faal arbiy areketler neticesinde Poloğı rayonınıñ toprağında energiya teminatınen vaziyet pek zolandı. Bu cümleden, gece duşman ateşleri sebebinden Orihiv ağlarınıñ elektriksiz abuneleriniñ sayısı 20,5 biñge qadar arttı. Blimak ağları eñ çoq zarar kördi, bunıñ neticesinde 5,8 biñ yerli aile elektrik temanitısız qaldı.

Faal arbiy areketler ve HÖAT “Zaporijjâoblenergo”nıñ işçileriniñ ayat telükesi sebebinden qazaiy yañıdan tikleme işlerini keçirmek imkânsızdır.

Vilâyetiniñ 83 meskün yerinde 65,6 biñ abune gaz teminatısız qaldı. Donetsk vilâyetiniñ toprağında magistral gaz burosı bozulğanı içün Berdânsk ve Mliytopol rayonlarınıñ 48 meskün yerinde gaz teminatı toqtatıldı.

Keçenlerde ateşler neticesinde Tokmak ve Vasılivka şeerlerinde alçaq ve orta üleştirici basım gaz boruları bozuldı. Bundan ğayrı, Poloğı rayonınıñ Preobrajenka köyünde orta basım kiriş gaz burosı bozuldı.

Cenk neticesinde toqtatılğan vilâyetiniñ meskün yerlerinde gaz teminatı, qazaiy yañıdan tikleme işleriniñ keçirilmesi içün irişim alınğan soñ acele ğayrıdan tiklenmege planlaştırılır.

Şu anda Ğulay Pole şeerinde ve Poloğı rayonınıñ yanındaki meskün yerlerinde, Stepnoğirsk şşqda ve Vasılivka rayonınıñ yanındaki meskün yerlerinde suv teminatı yoq. Bundan ğayrı, artezian araçıqlarnı elektrik energiyasınen teminatınen bağlı meseleleri sebebinden Poloğı şeeriniñ bazı sakinleri suvsız qalır.

Arbiy areketler neticesinde Vasılivka rayonınıñ Vasılivka şeeriniñ ve Stepnoğirsk şşqnıñ stoklarını alğan kanalizatsiya temizleme inşaatları bozuldı. Daa vilâyetinde beş yüzden ziyade ev ya tamamınen ya d aqısmen viran etildi.

Diqqatıñıznı celp etemiz ki, dercde qullanılğan malümat Zaporijjlâ villâyet devlet memuriyetiniñ resmiy saytından alındı. Şu anda nezaretimiz astında olmağan topraqlardaki vaziyetke dair tolu ve doğru isaiyat bermek imkânsız.

Foto: vikna.tv