Balalar, ayrı bir auditoriyadır. Şimdi cenk balaları olğan balalarçıqlarımız bile. Olarğa özüni tutma temel qaidleriniñ ne olğanını ve mina ve başqa patlayıcı şeylerni tapqanda nasıl areket etmek kerekligini alına bilgen sade şekilde añlatmaq kerek.
“Mina telükesizligi işletilme qaidelerisiz olmay” kitabınıñ süjeti, zor mevzunı komiks şeklinde eñ sade şekilde añlatmağa yardımcı olur. Baş qaramanlarnıñ mina ya da başqa patlayıcı şeylernen bağlı farqlı vaziyetlerdeki doğru areketleri, yahşı bir nasiat misali olur.
Hatırlatamız ki, aprel ayınıñ 14-ünde Ukrainanıñ vaqtınca işğal etilgen topraqlarınıñ reintegratsiya meseleleri nazirligi, “Ranok” neşriyatınen beraber patlayıcı şeylerni tapqanda özüni tutma qaidelerine ögretken komiks şeklindeki “Mina telükesizligi işletilme qaidelerisiz olmay” bala kitabını yayınladı.
Kiçik oquyıcılar bu komiksni begendiler: komiks şeklindeki oquv qullanmasınıñ elektron şekliniñ 10 künü devamında deyerli 220 biñ kere bedava olaraq yüklenildi. Bu, bir künde tahminen 20 biñ yüklenmedir.
Bundan ğayrı, QR-bağlantı vastasınen öz bilgilerini teşkermek ya da faydalı bir video seyir etmek mümkün. Kitapnıñ interatkiv olması malümatnı oyun şeklinde daa qolay ögrenmege yardımcı olur.
Yayın, yaş ukrainalılarğa ve ana-babaları tarafından oqunması tavsiye etilir. Bağlantığa basıp bedava olaraq endire bilirsiñiz:
Telükeli vaziyetlerde özüni tutma qaidelerine riayet etmek ayat qurtara bilir!