burger

Reintegratsiya nazirligi, arbiy areketler rayonlarında yerleşken ya da vaqtınca işğal etilgen cemaatlarnıñ cedvelini tasdıqladı

Опубліковано 26 April 2022 року, о 15:08

Ukraina Vitse baş naziri İrına Vereşçuknıñ reberliginen Ukrainanıñ vaqtınca işğal etilgen topraqlarınıñ reintegratsiya meseleleri nazirligi, 2022 s. aprel ayınıñ 25-i itibarınen arbiy (cenk) areketler rayonlarında yerleşken ya da vaqtınca işğal etilgen, qırşavlanğan (bloklanğan) cemaatlarnıñ cedvelini tasdıqladı (2022 s aprel ayınıñ 25-indeki №75 emir).

Mezkür emir, Ukraina Nazirler Kabinetiniñ 2022 s. aprel ayınıñ 16-sındaki № 457 “Rusiye Federatsiyasınıñ Ukrainağa qarşı arbiy tecavuzı neticesinde zarar körgen ealiniñ bazı kategoriyalarınıñ destegi aqqunda” qararınıñ talaplarını yerine ketirmek içün azırlandı.

Demek ki, 2022 s. mayıs ayından başlap devletten devlet içinde alınğan kişilerge yardım alma protsedurası, açıq-aydın ve idare etilgen yol-yoquqqa mücibi olacaq.

Reintegratsiya nazirliginiñ mezkür emrinen tasqılanğan territorial cemaatlardan köçip kelgen vatandaşlar ve evi viran etilgen ya da bozma neticesinde yaşamaq içün uyğun olmağan ve ödeme arizasını, hususan Elektron hızmetler tek devlet veb portalı vastasınen bergen DAK yardım ala bilecekler.

Bağlantığa basıp tasdıqlanğan territorial cemaatlarnıñ cedvelini körmek mümkün.

Qayd etemiz ki, cenkten zarar körgen topraqlardan devlet içinde alınğan kişilerge mesken içün yardım böyle ölçelerde ödenir:

• saqatlar ve balalar içün – 3 000 grivna;

• başqa kişiler içün – 2 000 grivna.

Meskennen yardım arizası, “Diia” qullanımı vastasınen (“hızmetler” bölüginde) online şekilde berile bilir.

Ya da başqa şekilde:

• içtimaiy qorçalama organlarına, cemaatnıñ vekâletli kişisine ya da MHMne DAK statusı esabına alma arizasını şahsen bermek;

• DAK olaraq esapqa aluvğa dair malümat kâğıtını almaq;

• içtimaiy qorçalama organlarına, cemaatnıñ vekâletli kişisine ya da MHMne yardım alma arizasını şahsen bermek.