Rus ordusı, kütleyiv ateşler ve uçaq ücümleri vastasınen Donetsk vilâyetini yoq etmege devam ete. İşğalciler, grajdan vatandaşlarnı, mesken sektornı ve yaşama teminatı obyektlerini maqsadına ıntılğan tarzda ateşke tutalar. Keçenlerde Avdiyivkağa küçlü raketa ücümleri yapıldı. Merkez şeer hatahanesi, mektep ve mesken çoq qatlı binalar zarar kördi. Şu anda tam bir doğru sayısını aytmaq mümkün olmay. Faqat tahminiy raqamlar bile şaşırta.

DONETSK VİLÂYETİ

Aprel ayınıñ 27-sinden itibarınen

Ücümler neticesinde 65 biñden ziyade şahsiy ve deyerli 3 biñ çoq daireli ev bozuldı. Eñ çoq Mariupolda – 61,2 biñ şahsiy ve 2,3 biñ çoq daireli ev. Volnovaha cemaatında mesken fondnıñ eñ azından 75 %-i bozuldı ya da viran etildi. Olğıne cemaatında ise 70%-i.

Astyapı ğayıpları:

– 28 suv teminatı obyekti (37 meskğn yer suvsız qaldı);

– 30 elektrik teminatı оbyekti (226 mesken yer elektriksiz qaldı);

– 73 gaz teminatı obyekti (33 mesün yer tamamınen ve 9 qısmengazsız qaldı);

– 87 medeniyet obyekti (20 kitaphane, 6 muzey ve 4 Ekinci cian cenki abidesi);

– 122 tasil müessisesi (55 bala bağçası ve 59 mektep);

– 48 sağlıq qorçalama müessisesi;

– 8 qazan binası;

– 332 demir yol obyekti;

– 22 köpür.

Qayd etmek kerek ki, ruslarnıñ yernen yeksan etkeni Mariupol ve Volnovaha şeerleriniñ astyapısı bu cedvelge kirsetilmedi. Faqat bu evelden esap bile viranelerniñ felâketli masştabını qıymetlendirmege yardımcı ola. Duşman, tamam astyapığa eñ çoq zarar ketirmege ınıtıla. Bunıñ içün kritik obyektlerni maqsadına ıntılğan tarzda ateşke tuta.

Dercde, Donetsk VDMniñ resmiy Facebook saifesinden ve Donetsk vilâyet arbiy memuriyetiniñ reberiniñ resmiy Telegram kanalından malümat qullanıldı.