burger

İrına Vereşçuk: Rusiyeni grajdan ealisiniñ tahliyesine izin bermege zorlaycaqmız!

Опубліковано 3 May 2022 року, о 18:51

“Rusiye planlarını deñiştirdi, amma biz, ukrain akimiyeti, Cenevre şartnamesine riayet etmege ve grajdan ealige qaçınmasına izin bermege zorlaycaqmız”, – dep Ukraina Vitse baş naziri İrına Vereşçuk ealiniñ Mariupoldan tahliyesi şimdiki operatsiyası vaqtında jurnalistlernen körüvüşde qayd etti.

Eşi körmegen gumanitar operatsiyanıñ birinci basamağınıñ muvafaqiyetli olğanını qayd etti.

«Qatılğan er kes ögünde temenns etmege isteyim: Acele yardım taqımları, avtobuslarnıñ aydayıcıları, FVDH!» – dep Vereşçuk operatsiyanıñ iştirakçilerini, insanlarnı qurtarğanlarnı hatırladı.

Memur da qayd etti ki, ukrain akimiyetiniñ ve halqara müessiselerniñ (BMT ve Halqara Qırmızı Haç Eyyeti) ğayretlerinen insanlarnıñ “Azovstal”dan ve Mariupoldan tahliyesi mahsus operatsiyası keçirildi. O bildirdi ki, bu işte Ukraina Prezidenti Volodımır Zelenskıynıñ ayrı yararlığı bar. Onıñ qatılması ve şahsiy kontrolı olmadan bu gumanitar koridor imkânsız olur edi, dep İrırna Vereşçuk qayd etti.

Vitse baş nazir hatırlattı ki, Mariupolda daa  tahliye etmege istegen onlarca biñ insan: qadın, bala, yaşlı bar. Çünki şeerde kerçek gumanitar bir felâket, ne ilâc, ne aş, ne de suv bar.