Mart ayınıñ 17-sinden esir etigen ya da cenk vaqtında ğayıp olğan kişilerni tapqan Milliy malümat bürosı işlemege başlağandan berli organğa çeşitli kommunikatsiya kanalları vastasınen tahminen 30 biñ hitap ve beyanat yollandı.

Bu cümleden, eñ çoq hitap “Sıcaq hat 1648” vastasınen

ve bürosnıñ internet saytındaki formanı tolduraraq qayd etildi – 16 827 hitap.

Telegram ve Viberdeki çat-botları vastasınen – 9055 hitap.

Elektron poçtasına ([email protected]) ise 3500den ziyade hitap yollandı.

Hatırlatavız ki, arbiy areketler zonasında ya da vaqtınca işğal etilgen topraqta bulunğan yaqın kişiñiz üç künden ziyade siznen bağlanmasa ya da onıñ esir etilmesi şübeñiz olda – siziñ içün oñaytlı bir kommunikatsiya kanalı vastasınen MMBna hitap etiñiz.

Kişi tapmaq içün aşağıdaki malümat bilmelisiñiz:

– grajdan kişilerge dair: adı, doğğan künü, alâqası, ayrı bir belgileri (yara izleri, tatular, beñler vb.) ve bilgeniñiz soñ bulunması yeri. Yaqın kişiñizniñ eñ soñ ne vaqıt siznen bağlanğanını ve bunı nasıl yapqanını qayd etiñiz. Ğayıp olmadan evel diger insanlar onı körgen ya da onen başlanğan ola bilir.

– askerge (USQ, Ukraina Milliy gvardiyasınıñ, Ukraina Telükesizlik Hızmetiniñ, Devlet sıñır hızmetiniñ askeri, TMnıñ küreşçisi, polis, FVDHnıñ hadimi vb.) dair: adı, arbiy qısımnıñ ya da hızmet bölüginiñ adı ve nomerası, vazifesi ve rutbesi, kişiniñ ayrı bir belgileri (yara izleri, tatular, beñler vb.), bilgeniñiz soñ bulunması yeri ve diger belgiler.

DİQQAT! Arbiy esilerniñ (ve grajdan esirlerniñ) azat etilmesina bağlı aytışmalar tek devlet keçirir. Para mukâfatı içün azat etme sözü bergen bilmegeniñiz kişiler tarafndan (telefon ya da içtimaiy ağlar vastasınen) siznen bağlansa, bunlar dolandırıcılardır. Telefon nomerasını tutıp, lafnıñ detallerini yazıñız ve Milliy politsiyanı bu tür vaqialar aqqında mıtlaqa haberdar etiñiz.

Tapılğan kişilerniñ tüm belgileri maqbul sicillerge kirsetilir, deñişme cedvelini teşkil etmek ve aytışmalar keçirmek içün Arbiy esirlernen tutma meseleleri koordinatsiya ştabına berilir.