Rusiye federatsiyasınıñ tolu masşatbı tecavuzınıñ başlanğıcından berli pek çoq pedagogika hadimleri yaşama ve iş yerlerinden ayırıp devletimizniñ diger bölgelerine ya da yabancı ülkege ketmege mecbur qaldı.
- Qaytmaqmı qalmaqmı?
Bu sualge bir cevap barmı? – şimdi bu sual biñlerce ukrain ocasını raatsızlay. Çünki cebege yaqın bölgedeki zor vaziyetten ğayrı soñ künlerde yayınlanğan malümat ta peyda oldı: sanki tüm ocalar yabancı ülkelerden iş yerlerine keri çağırıla – aksine işten çıqarılır.
Bunıñ sebebi, Nazirler Kabinetiniñ 2022 s. aprel ayınıñ 26-sındaki № 481 “Cenk vaziyeti vaqtında iqtisadiyat devlet sektorınıñ hocalıq subyektleriniñ işçileriniñ çalışmalarını teşkiliniñ bazı meseleleri” qararı oldı.
Anda, bu cümleden, bildirilir ki, “işçilerniñ, icra organlarınıñ azalarınıñ ve hocalıq subyektleriniñ reberleriniñ Ukraina tışında işlemesine, tek tesbit etilgen yol-yoruqqa mücibi resmiyleştirilgen hızmet yollanması alında izin berilir”.
Tasil ombudsmeni Serhiy Ğorbaçov öz Facebook saifesinde mezkür qararnıñ ocalarğa ve terbiyecilerge ait olmağanını añlattı. “Kommunal müykiyet şeklindeki tasil müessisesi “iqtisadiyat devlet sektorınıñ hocalıq subyekti” olmay, – dep yazdı. – Oca uzaqtan online olaraq çalışa bilir, bu içün iş yollnması kerekmey. Ocallarnıñ bu esasnen deral Ukrainağa qaytmalarını talap etken tasil müessiseleriniñ ve tasilni idare etken organlarnıñ reberleri, özbaşınalığını ve ocalarnı qılınmağa bıraqıñız!”
Memur, mümkün olğan eñ qısqa vaqıt içinde daa tafsilâtlarnı añlatmağa söz berdi. Bunıñ içün yazılarımıznı takip etiñiz: bu mevzuğa mıtlaqa qaytacaqmız.
- Tahliyede sınıf işi: uzaqtan oqutmağa izin berilirmi?
Ukraina tasil ve ilim nazirligi, öz 07.03.2022 N 1/3378-22 “Cenk vaziyetiniñ uquqiy rejiminiñ işlenmesi vaqtında tasil ve ilim saaında emek qanunnıñ qullanması tecribesi aqqında” mekübinde añlattı ki, “çalışqanlarnıñ obyektiv sebeplernen (telüke, toqtatılğan naqliyat vb.) iş yerine kermeleri mümkün olmasa, faqat uzaqtan iş yapa bilse (mevcut alâqa aletlerini qullanaraq) – tasil ya da ilim müessisesinde uzaqtan çalışma rejimini kirsetme aqqında bir emir çıqarmağa teklif etemiz”.
Mevcut qanunname, Ukrainanıñ toprağınıñ tışında da uzaqtan çalışma şartlarında çalışqannıñ iş yerine er angi bir sıñırlama ketirmemektedir.
- Yabancı ülkede mecburiy “tatil” nasıl ödenir?
Oqutma toqtatılğan tasil müessiseleriniñ tüm işçilerine (pedagogik, ilmiy-pedagogik ve diger işçilerge) orta aylıq ölçüsinde ödenmeler yapılır. Emek aqqı tarifine uyğun ödenilgen pedagogik işçilerniñ emeginiñ ödenilmesi quvvette olğan mevcut qanunnameniñ şartlarına uyğun olaraq tarif vaqtı muayyen etilgen emek aqqından yapılır.
Yani aslında tasil müessiseleriniñ reberleri öz işçilerine 2/3 ya da tolu orta aylıq ödemeliler, hususan ya işke ketme ya da uzaqtan çalışma şartlarında.
Aynı zamanda TİN qayd ete ki, tasdıqlanğan idare qararları Ukraina Qanunnamesine ve Ukraina qanunlarına, Ukraina emek qanun kodeksine zıt olmamalı ve vatandaşlarnıñ aqlarını bozmamalıdır.