Ukraina Preizdenti Volodımır Zelenskıynıñ yardımınen ve Vitse baş nazir İrına Vereşçuknıñ vastasız iştirakinen keçken bir qaç kün devamında bloklanğan Mariupoldan 500den ziyade kişi tahliye etildi.

Eki ay boyunca vatandaşlarımız sığınaqlarda yaşay ediler, olarnıñ normal aşı, suvu ve alâqa vataları yoq edi. Artıq bugün olar Zaporijjâda ve adaptatsiyanıñ ilk basamağını yaşaylar.

Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ vekilleri insanlarğa belgilerini, bank kartlarını yañıdan vesiqalaştırmağa, ilk kerekli şeylerni, urbanı, azıq mahsularını almağa yardımcı olalar ve kelecekte olarnı ğarbiy bölgelerge raatlıqqa yollaycaqlar.

Qurtarılğan mariupollılar arasında balalar da bar. Muvafaqiyetli tahliyeden deyerli deral soñ İrına Vereşçuk olarnen körüşti. Balalar, eki aylıq cenk deşetlerini, öz evleriniñ viran etilmesini ve yaqınlarınıñ öldürilmelerini körgenlerini añlattılar ve kelecek planlarınen ve hayallerinen paylaştılar.

Aynı zamanda Vitse baş nazir, kiçik mariupollılarğa, dostları ve yaqınları ile alâqasına saip olmaları ve eglene bilmeleri içün zemaneviy planşetletrni ediye etti.

Şu anda ukrain vatandaşlarınıñ Mariupoldan tahliyesi operatsiyası devam etmektedir.