Viran etilgen binalar, soqaqlardaki köpekler sürüsi, bozulmağan aranlardaki terk etilgen tavuqlar ve tuvar ve olarnı baqmaq içün onlarca cesür adam. Mıkolay vilâyetindeki azat qasaba tamam böylece körüne.

Pek yaşlı saqat qartana hatırlay ki, almanlarnıñ evi yanında ketkenlerinde pek genç ola edi. Amma, olardan soñ şimdi ruslardan soñ kibi böyle viranelik yoq edi, dep ayta.

Mayıs ayınıñ 6-sından itibarınen

MIKOLAYIV VİLÂYETİ

Cenübiy cebede rus orduları, çatışma sıñırındaki meskün yerlerni ateşke tutmağa devam eteler. Bu cümleden, Ukraina Silâlı Quvetleri tarafından azat etilgenlerden. Ücümler neticesinde olğan yanğınlar endi bozulğan yerlerni yoq eteler.

Keçken kün işğalciler, “Smerç” bir ateşli reaktiv sistemasınen ücüm yapa ediler ve “Moskit” raketasınen ateş açtılar. Tecavuznıñ başlanğıcından vilâyetinde 3,1 biñ grajdan obyekt ya tamamınen viran etildi ya da qısmen bozuldı.

Olar arasında:

– mesken fond – 2,2 biñ;

– tibbiy müessise – 29;

– tasil müessisesi – 153;

– medeniyet müessisesi – 73;

– sanayı müessisesi – 26;

– yaşayış teminatı obyekti: gaz – 130,elektrik – 254, suv – 8, qızdıruv teminatı – 52;

– arbiy olmağan diger obyekt – 163.

Şu anda vilâyetinde tahminen 1,7 biñ qullanıcı gazsız qaldı. Baştan ve Mıkolayıv rayonlarınıñ 90dan ziyade meskün yerinde elektrik, suv teminatı toqtatıldı.

Keçenlerde haberdar etilgeni kibi, arbiy areketler neticesinde Dnipro özeninden Mokılayıvğa su temininiñ yapılğanı “Dnipro-Mıkolayıv”su borusı bozuldı. Bunıñ içün sakinler, rezervuar-toplanıcılardan, artezian araçıqlardan ve temizleme ve paketleme kollektiv tertibatlarından suv ve şişelendirilgen içilir suv alırlar.

İşğalcilerniñ ücümlerinden tek binalar ve astyapı degil, tınç yaşğan insanlar da qıynaylar. Şu anda Mıkolayıv hastahanelerinde yüz elliden ziyade yaralanğan hasta buluna. Deyerli 400 kişi ise vaqtınca yerleştirme müessiselerindedir. Olarnıñ çoqusı, evleri coyğan kişiler.

Bundan ğayrı, cebege yaqın meskün yerlerden göñülli tehliye keçirilir. Endi 21 biñ kişi öz evinden ayırdı. Eñ çoq Voznesensk, Baştan ve Mıkolayov rayonlarından. İmkânlarına saip olğan yerli sakinler eñ qıymetli şeylerini daa telükesiz bölgelerdeki aqrabalarına alıp ketireler.

İşğal etilgen topraqlarda rus tecuvuzcıları, köy hocalığı müessiseleriniñ yedekleri ve ihtiyatlarını hırsızlaylar. Aynı zamanda olar, ukrain akimiyetiniñ gumanitar felâketni yaratması mevzusında qabaatlaylar, azıq mahsulatı ve ilâclarnı bererek grajdanlarğa insaniy munasebetni taqlit eteler.

Dercde, Mıkolayıv vilâyet devlet memuriyetiniñ resmiy Facebook saifesinden alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.