Endi Ukrainanıñ şarqındaki cenkniñ başlanğıcından yani 2014 senesinden tecavuzcı bir devletniñ varvar munasebetini közümiznen köremiz. Donbasnıñ sanayı büyük şeerlerinden ala bilgeni er şey alıp çıqaralar. 2022 s. devlet seviyesinde rus yağmancılığı, Ukrainanıñ cenübiy şarqına ve cenübine köçti.

Mayıs ayınıñ 9-ından itibarınen

ZAPORİJJÂ VİLÂYETİ

İşğalciler, Zaporijjâniñ cebege yaqın meskün yerlerini, bu cümleden Orihiv, Poloğı, Ğulâypole ve digerlerni mina topları, toplar ve bir ateşli reaktiv sistemaları vastasınen ateşke tuta tutalar. Aynı zamanda endi işğal etilgen topraqlarda zahire, traktorlar, kombaynler, zavodalardan donatmalar yani yaratamağanı ya da alamağanı şeylerni hırsızlaylar. İş adamlarından biznes, fermacılardan kübre ve dizel yaqarı, adiy insanlardan tam qıymetli tarzda yaşamaq imkânını alalar.

Ağlar, tiremeler ve donatma bozulğan sebebinden şu anda Zaporijjâdaki 82den ziyade meskün yerde 23 biñden ziyade abune elektriksiz qaldı. Tek keçken kün devamında Poloğı rayonınıñ 1 biñden ziyade abunesi ve Orihiv rayonınıñ tahminen 500 abunesi ışıqsız qaldı.

Keçenlerde Zaporijjânıñ transformator ast stantsıyalarınıñ birindeki bozulma neticesinde şeerçilerniñ 100 evinde eşlektrik kesildi. Bahtına, bu bozulma acele tarzda tamir etildi. Faqat şu anda muntazam ateşler sebebinden, cebege yaqın meskün yerlerde qaza-yañıdan tikleme işlerini keçirmek imkânsız qala.

Gaz teminatı vaziyeti daima deñişmedi. 87 şeer ve qasabanıñ deyerli 69 biñ abunesi gazsız qaldı. Donetsk vilâyetiniñ toprağında magistral gaz borusınıñ bozulması sebebinden Berdânsk ve Melitopol rayonlarınıñ 48 meskün yerinde gaz teminatı toqtatıldı.

Umumnen qazacılarnıñ çalışması yahşılıq añlamağandır. Olar bir şey tamir eter etmezler, rus topları yañıdan er şey boza. Keçenlerde Orihovede üleştirigen gaz boruları tamir etildi. Bir qaç künden soñ işğalciler olarnı yañıdan bozdılar. Çalışmalarnıñ soñki basamağı, ateş biter bitmez başlaycaq. Faqat ne qadar çoq sürecek bu?

Haberdar etilgen kibi, suv vaizyeti de müsbet olmay. Şu anda Ğulâypole ş., Stepnoğirsk şşq., Poloğı ve Vasılivka rayonlarınıñ yanındaki köylerinde suz tamamınen kesildi. Elektrik energiyasınen bölünmeler sebebinden Poloğı şeerindeki artezian araçıqlarnıñ qısmı işlemey.

Arbiy areketler neticesinde Vasılivka rayonınıñ Vasılivka şeeriniñ ve Stepnoğirsk şşqnıñ stoklarını alğan kanalizatsiya temizleme inşaatları bozuldı. Anda er angi bir mobil alâqası ve İnternet yoq.

Böylece, mesken fondnıñ umumiy viraneligi doğru malümatı da yoq. Belli ki, soñki duşman ücümleri neticesinde Poloğı ve Ğulâypole şeerleriniñ meskün sektorında yanğın başlandı. Yapılğan zararnıñ ölçesi ve derecesi de ögrenile.

Umumen işğal etilgen topraqlarda kergin gumanitar vaziyet bar. İnsanlar, ilâclarnıñ kifayetsizliginden azap çekeler, olarnıñ ihtisaslı tibbiy yardımğa irişimi yoq. İşğalciler, fermacılardan dizel benzinini, amiak selitrasını ve diger kübrelerni alalar. İşdeşlik yapmağa qabul etmegen yerli iş adamlarından ise biznesni alalar.

Melitopolda işğalnıñ başlanğıcından bazı müessiselerniñ işçileri aylıq almaylar. Yerli işdeşlikçi, kapital qurma ve mesken-kommunal hocalıq departamentiniñ yalancı direktorı Oleksiy Tegimbayev, mayısnıñ başında kommunalcılarğa rublenen aylıqnı bermege söz berdi. Bunıñ yerinde işçilerge Ukrainada çalınğan gumanitar aş payıları berildi.

Dercde, Zaporijjâ vilâyet devlet memuriyetiniñ resmiy Facebook saifesinden ve arbiy memuriyetiniñ reberiniñ resmiy Telegram kanalından alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.