Frenk BFMTV telekanalına intervyü bergende Ukraina Vitse baş naziri İrına Vereşçuk, keçenlerde tüm grajdan vatandaşlarnıñ (balalar, qadınlar, yaşlılarnıñ) tahliye etilgeni “Azovstal”daki felâketli bir vaziyetini añlattı.

Şimdi anda “Azovstal”nıñ qorçalayıcıları qala, olarnıñ yarısı ağır yaralanğan, olarnıñ acele tibbiy yardımğa ihtiyacı bar, dep memur haberdar etti.

Onıñ malümatına köre, kombinatnıñ toprağında da tahminen biñ asker buluna bilir. Anda er vaqıt şiddetli küreşler yapıla, işğalciler “Azovstal”nı ücüm etmege vazgeçmeyler, pek çoq ava ücümleri yapalar, olarnıñ da topraq operatsiyasını keçirmege tırıştılar – duşman, ayatta qalğan er kesni yoq etmege tırışa.

“Yaralanğan askerlerni “Azovstal”dan tahliye etmege yardımcı olacaq yañı bir mahsus operatsiya kerek, – dep İrına Vereşçuk qayd etti. Qırımızı Haç HEniñ Missiyası ve BMT, tahliyeniñ teşkil etilmesine qatılmağa razı oldı. Ve men tüm dünya cemaatını buña qatılmağa rica etecegim!”

Vitse baş nazir qayd etti ki, bunı yapmaq içün rusiyenen işdeşlik yapqan ve putinniñ kim olğanını añlağan üklelerniñ liderleriniñ iştirakine ihtiyacımız bar.

“Gumanitar koridor vaqtında bermeli olacaq kefaletleri aqqında rusiyenen añlaşmaq içün ülkelerniñ liderleriniñ aracılıqta yardımına ihtiyacımız bar. Bu, ateş bitirme rejimi, yaralanğanlarnıñ tahliye etilecegi yerdir”, – dep İrına Vereşçuk qayd etti.