burger

38 yabancı vekillik Kıyıvda çalışmağa yañıdan başladı

Опубліковано 14 May 2022 року, о 17:13

Üylede Tışqı işler nazirligi öz resmiy Facebook saifesinde bunı haberdar etti.

Tışqı siyasiy müessise qayd ete: bu tür bilgiler “ortaqlarımıznıñ, Ukrainanıñ ğalebesine ve kelecek istiqballerine inanğanlarına daa bir isabttır”.

Ukrain diplomatları öz hitaplarında, destek içün halqara ortaqlarğa ve yabancı aqradaşlarğa teşekkür ve tüm diger yabancı vekilliklerniñ Kıyıvğa qaytacağına ümüdini bildirdiler.

Qayd etemiz ki, keçenlerde yabancı vekilliklerniñ ukrain paytahtına qatuv ceryanı tezleşti. Onıñ tezligini, keçenlerde Ukraina Prezidentiniñ öz video hitabında Kıyıvda çalışmağa yañıdan başlağan 37 yabancı vekillikniñ açılğanını aytması kösterir. Volodımır Zelenskıy er birine teşekkür bildirdi. O qayd etti ki, bu Ukrainanıñ rusiye federatsiyasından farqlı olaraq küçlü ve istiqballerine saip olğanını kösterir. O emindir ki, yaqın kelecekte diger yabancı vekillikler de paytahtımızğa qaytacaq.

Endi bundan bir qaç saat evel bu cedvelge işini Ukrainada başlatmağa qarar bergen daa bir ülkeniñ vekilligi qatıldı.