burger

İnsanlarnıñ hırsızlığı ve ayat içün kerekli er şeyniñ şiddetli qıtlığı – işğalciler Herson vilâyetini nasıl boysundıralar

Опубліковано 16 May 2022 року, о 20:06

Mayıs ayınıñ 16-sından itibarınen

HERSON VİLÂYETİ

Raşistler, vatanperverli sakinlerge dair kösterimli filtrleştirici tedbirlerni keçirirler. Bir qaç kün evel yerli UTHnde  “DHC DTN” ve “Vagner” tutulğan kişiler arasında böyle degen “mobilizatsiya”nı keçirdi.

Ruslar, neniñ pahasına mında bulunmalarını qanunlaştırmağa tırışırlar. Aynı zamanda er kün gumanitar vaziyet yaramaylaştırır. Territorial cemaatlarda (TC) elliden ziyade viran etilgen ve bozulğan bina bar. Misal içün, Nadejdivka qasabasında 15, Tomına Balkada ise 17 şahsiy ev qısmen viran etildi. Daa bir qaç qasabada bala bağçaları qısmen viran etildi.

Borozen köy TCnda feldşer noqtası viran etildi. Ayat telükesi sebebinden acele yardım tibbiy işçileri, meskün yerden ayırdılar. Stepanivka ruhiy-nevrologik dispanseriniñ 90 hastası kerçekten de vaziyetniñ reinesi oldı. Olarnıñ ilâcları ve aşı yoq. “Velıkokopanivske” KHnıñ kollektivleri ve “Romaşka” qavehanesi aftada bir kere hastalarğa azıq mahsulatı ve sıcaq aş ketirirler.

Umumen vilâyetinde ilâclarnen ve aşnen, hususan bala aşınen vaziyet pek zor. 58 meskün yerde azıq mahsulatınıñ, ve 42 meskün yerde ise ilâclarnıñ qıtlığı bar. Özleriniñ un, kürpeler ve yağ istisalına saip olğan qasabalar alâ daa dayana. Başqaları ise gumanitar yardımğa ümüt eteler. Ama o da sıq öz vaqtında ketirilmez, çünki işğalciler onı blok noqtalarında toqtatırlar ya da özleri içün alırlar.

Arbiy areketler devam etkeni meskün yerler eñ çoq zarar köre. Olarnıñ arasında Vısokopillâ TC. Anda elektrik, gaz ve suv teminatı tamamınen kesildi. Tüm memuriy binalar viran etildi. Vısokopillâdan, Arhanğelskten ve Knâzivkadan deyerli 2,5 biñ kişi öz evinden ayırıp Dnipropetrovsk vilâyetine, bazıları yürüyerek, bazıları da öz naqliyatınen ketti.

Başqaları ise acele tahliyege, azıq mahsulatınen ve ilâclarnen gumanitar yardımğa, em de gumanitar koridor aqqında resmiy bir añlaşmağa ihtiyac duyarlar. Çünki tünevinden başlap Vısokopillâ, Potömkine ve Knâzivka yanında ateşlerniñ sayısı pek arttı.

Stanislavske TCnda da telükeli. Anda 360tan ziyade ev qısmen viran etildi. Onen aslında alâqa yoq. Keçenlerde başı haberdar etti ki, er saba raketalar uçar. İnsanlarnıñ ayatlarını alır ve öz yolundaki er şeyni viran eter. Böylece Şıroka Balkada keçenlerde yerli elektrikçilerniñ termir etkenleri çoq elektrik yolağı bozulğandır. Çalışmalar mıntazam tarzda yapılır. Tünevin Stanislavda patlama neticesinde gaz borusı bozuldı.

Vilâyetinde gaznen vaziyet te kritiktir. Statsionar sistemaları, işğalcilerniñ ateşlerine oğraşırlar, arbiy areketlerniñ yaqın olğanı içün balonlarda gaznı ketirmek pek qıyın. Bunıñ içün insanlar elektrik ocaqlarında ya da açıq ateş üzerinde aş pişirirler.

60tan ziyade meskü yer elektrik energiyasız ve suvsız qalır. Kalınivka TCnde bu eki ayat içün kerekli şey tamamınen mevcut olmay. Keçenlerde yerli elektrik temircileri, Mıkolayıv vilâyetindeki Kalınivskeden Tomarinoğa ketken 35 biñ voltlı 9 kilometrlik yolağında bozmalarnı taptılar.

Novovorontsovska TCnda da elektrik ve suv kesildi. Qırmızı Haçnıñ vekilleri ve göñülliler ealige, hususan yaşılarğa azıq mahsulatınen yardım eterler.

Suv yoqluğı sebebinden Novooleksadrivka qasaba territorial cemaatınıñ sakinleri evlerinden öz başına ayırırlar. Onıñ bazı meskün yerleri, bu cümleden Petropavlivka, Çervone, Bilâyivka, Ukrayinka, tabiiy ve suniy suvlarnıñ olmağanı çöl zonasında buluna. Daa bu topraq, işğalciler tarafından alındı. Mında da başqa rayonlardan çoq vaqtınca devlet içinde alınğan kişi yerleştirdi. Mına da azıq mahsulatı, ilâclar ve yaqar malzemeleri ketirilemez.

Dercde, Herson vilâyet devlet memuriyetiniñ resmiy Facebook saifesinden alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.