1944 s. mayıs ayınıñ 18-inde şura rejimi, qırımtatar halqınıñ yüz biñlerce temsilcisini tarihiy vatanından – Qırımdan mecburen sürgün etti.
Bu kün 78 sene evel Yosıp Stalinniñ emrinen şura rejiminiñ cinayetçileri, Qırımnıñ tamır halqınıñ sürgünini başladılar. Dört kün devamında 190 biñden ziyade qırımtatar ana vatanından mecburen sürgün etildi. Sürgünlikniñ ve sürgünlik yerlerindeki canavar şartlarınıñ felâketli neticleri bar edi – hastalıqlar ve boldurtıcılıqtan on biñlerce insan öldi.
Tek yarım asır soñ qırımtatar halqı tarihiy Vatanına keri qayta bildi.
Faqat, şu anda Kreml qanlı tarihnı tekrarlamağa tırışa.
Belâ vaqtı keri qayttı: rusiye, Ukrainanıñ territorial bütünligini bozmağa qarar berdi, bizim şarqımızda cenk başlattı, Qırımnı işğal etti. Qırımtatr halqını daa bir kere evinden ayırmağa tırışa. Yañıdan rfnıñ işağl akimiyetiniñ qırımtatarlarnı yaqın keçmişten belli olğan yüzlerce qavmiy ve mezep olaraq sebepli taqibi, siyasiy qorqutması, qanunsız makeme etmesi ve apiske ketirmesi yer aldı.
Bugün Ukrainanıñ putin rejimine qarşılıq köstergeni, yañı kerçekliklerde yaşağanınıñ 84. künüdir… Şu anda yüzden ziyade halq ve millet, rus işğalcisinen küreşe. Olarnıñ arasında tek devletniñ – mustaqil demokratik Ukrainanıñ öz ve bizim ortaq serbestligimiz içün cenkleşken qırımtatar halqınıñ cesür oğullarıdır.
Qırımtatar halqınıñ genotsidiniñ qurbanları ögünde başlarımıznı egiltemiz ve ciddiy olaraq söz beremiz: duşman er bir facia ve bir öldürilgen kişi içün qaçınmaz ve şiddetli ceza alacaq.
İşğalciler, bizim genetika kodumızda saqlanğannı – sebestlikke ve öz toprağına sevgimizni asla bozamaycaq.
Toprağımıznıñ er bir qısmını ve elbette er bir ukrainalınıñ yüregine yaqın olğan küneşli Qırımnı mıtlaqa keri qaytaracaqmız.
Keçmişni unutmaymız. Ve bugün ğalebe qazanamız. Birlikte.